Yoosuwa 13:4 - NABUWWA KEE MALIKWA

⁴ Tohuk kalah kaadu, Maqara deqsitta magaalay Sayda deqsita mari dabaaqah elle yanik xabba haanamaay Afeek deqsitta magaalay Amoorâ-marih cuduudut raqtahiyya fan tan baaxo mabbaxinniton.

Yoosuwa 13:4 ပူးပေါင်းရင်းမြစ်များ

1 Malikwa 20:26

Dabaybah addat Malik-Banihadad isi marah seeceeh; Israayilit qeebi aba'gidih, Afeek-magaala fan gabat ken luk gexe.

1 Malikwa 20:30

Wohuk raaqe mari Afeek-magaala fan kudeeh; tokkel labaatanna kee malcina alfih qaskariital, magaalat maroh sugte gaso raddeeh edde raben. Banihadad kaadu woo magaala fan kudeeh qarik darrê golit yombooqore.

Yacedkel 16:3

Teetik intaamah, ‹YALLAY Mulki lehiyya kok iyyeemih, « ‹Elle toobokem, Kanqaan rasuuy; abba kok Amoorâ-numuuy; ina kok Ciita deqsita marih barra.

Qaamus 2:10

Too Amoorah mari ikoytah luk suge baaxo siinih acee'gidih, Masrik addak sin eyyeeqeeh, bacarih tan baaxol morootom sanat sin abbaxuk suge.

Yoosuwa 10:40

Yoosuwa too baaxooxah marak inkih yeyseh. Woo qaleelah tan baaxoh malikwak yeyseeh; ayrô-mawqa le kabut raqta qalê-ragidit tan baaxooxa kee, tonnah kaadu, ayrô-culmat raqta mango koomaami le baaxooy, tonnah kaadu, woo bacarih tan baaxoy gabbi le qaxat raqtahiyyal suggu 'ye marak inkih yeyse. Too baaxooxal suggu 'ye marak num macabinnay ufuy elle haytam inkih qide. Tah amrissem, YALLAY Israayil doore Dageltah yanihiyya.

Yoosuwa 11:3

Qagteh kaadu, Kanqaan baaxoh maray ayrô-culma kee ayrô-mawqat raaqahiyya kee, Amoorah yooboke maraay, Ciitah yooboke maraay, Feriidah yooboke maraay, Yabuusah yooboke maray woo qaleelah tan baaxol guubuh yenehiyya kee, tonnah kaadu, Ciiwih yooboke maray Cermon qaleh ragidil Mixfa deqsitta baaxol guubuh yenehiyyah edde farmo ruube.

Yoosuwa 12:18

Afeek deqsitta magaalal yen malikiiy Lassaron deqsitta magaalal yen malikiiy

Yoosuwa 19:30

Qumma kee Afeek kee Racob deqsitta magaalooli edde anuk, tittat ta magaalooliy labaatanna kee namma magaala takke kee, tohu lih kaadu ken dariifal tan gaandoodih agantah inkih Aaser kedoh im tekke.

1 Samuwel 4:1

Samuwel, YALLI kaa'lih yaabe yab Israayil ummattah warisak yen. Too dabaanal *Filistiin-mari Israayilit qeebi abaana'gidih ugten. Israayil-mari Eeben-Qeder deqsita aracal yinfiddigeeniih; Filistiin-mariiy Afeek deqsita aracal yinfiddigen.