Yoosuwa 13:31 - NABUWWA KEE MALIKWA

³¹ Tonnah kaadu, Gilqad rasuk garab takke baaxo kee, Qastarot kee Adraqi deqsitta namma magaalay Qoog deqsita malik dabaaqah elle yene kenim abe. Ta baaxoy tikki 'tahiyya inkih Manasse-Makirik rade marak garabah yecee.

Yoosuwa 13:31 ပူးပေါင်းရင်းမြစ်များ

1 Aydaad 6:71

Leewih yooboke marak Gerson deqsita gulubuk rade marah, ayrô-mawqat raqte Manasseh baaxok Goolan deqsitta magaalay Basanal geytimtahiyya kee Qastarot deqsitta magaala kee a namma magaalah dariifal tan lacti malaalah baaxo keenih yeceen.

Yacedkel 48:4

Manasse tonnah, ayrô-mawqak xabba haanamaay ayrô-culmah amma 'yaanam, Naftaali lih cuduuduh elle yangale baaxo aallele.

Yoosuwa 12:4

Tonnah kaadu malik Qoog deqsita malikiy Qastarot kee Adraqi deqsitta namma magaalal dabaaqah yenehiyyak yeyseenih. Kay baaxo Basan deqsitak ten. A malikii, Rafaayim akak axcuk yenen marak saaboh raaqe numuk yen.

Yoosuwa 13:12

Qoog deqsita malikiy Qastarot kee Adraqi deqsitta namma magaalal abbah sugehiyya malikih elle suggu 'ye baaxoy Basan deqsittahiyya inkih kenim tekke. A malikii, Rafaayim akak axcuk yenen marak saaboh raaqe numuk yen. Muusa kee Israayil mari, Gasur kee Maqka deqsita maray a saaku fanah wokkel elle yanihiyyak kalih marak qeebil yeyseeniih; baaxok ken eyyeqqaay baaxo keenik raaqissa heen.

Yoosuwa 13:32

Muusa, Mooyab rasul gubbih yan aracal, baaxo ummatah elle kurem, tama innak ten. Too arac Yerikô-magaala kee Ordon weeqaytuk ayrô-mawqa le qaxat raaqa aracak ten.

Yoosuwa 17:5

Yoosuwa, Manassek rade marak labhak kaxxih a sayyoh baaxo yeceemih sabbatah, Manasseh yooboke mari Ordonuk ayrô-mawqa le kabut raaqa Gilqad kee Basan rasuy duma ken maadehiyyak kalah ossotinah tabna exxa baaxok Ordonuk ayrô-culma le kabul geen.

Yoosuwa 9:10

Wohuk kalah YALLI, Amoorah yooboke namma amoytay Ordon weeqaytuk ayrô-mawqa le kabut raqta baaxoh amoytittek yenehiyyak abem noobbeh. Tohum Sicon deqsitak yen malikiy Cesbon deqsitak ten magaalal yenehiyya kee Qoog deqsitak yen malikiy Basan deqsitta baaxol, Qastarot deqsitta magaalal yenehiyyak ten.

Makaabon 10:6

Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.

Makaabon 5:17

Gilqad-rasul daffeyta kedooda Ordonuk ayrô-mawqa le kabul elle teede. Daan-kedo doonikit edde raqte. Aaser-kedo baddi afal elle teede; baddi afih dariifal elle raaqen.

1 Samuwel 12:10

Too waqdi YALLAL cato essereeniih iyyeenimii, ‹YALLAW, ku garil dambi lem bahne. Koo cabba hayneh, Baqal kee Qastarot deqsittam ku aftok nuqbude. Taway naqboytiitik nee cataay; ahaysa koo aqbudenno› iyyen.

1 Samuwel 7:3

Sarrak Samuwel Israayil marak annah iyye, «YALLAL baguuk taduureenim faxxeenik, a duyyeeyay gersi mari yalla 'yeh yaqbudehiyya kee, yalla akak intan Qastarot akak iyyaanamih ceeloy gabat litoonuhiyya wonnah qida. Dudda haytaanam kee, niyak elli haytaanamaak, YALLAL gactaanamaay dibuk kaa uqbuda. Filistiin marih gabak sin cattu waytam, inki Dagelta» keenik iyye.