Yoosuwa 13:25 - NABUWWA KEE MALIKWA

²⁵ Yaqder deqsitta magaala kee, Gilqadal enna 'ta magaalooli kee, Qammon marih baaxok Qarooqer deqsitta magaalay Rabba deqsitta magaalak ayrô-mawqa le kabut raqtahiyyah amma 'yaanam takke baaxo inkih too kedoh yecee.

Yoosuwa 13:25 ပူးပေါင်းရင်းမြစ်များ

2 Samuwel 11:1

Ciggiila sugum adday dardorti xeflih qeebih edde gexxahiyyat, Dawud, Yowab kee kalah tan qaskar abbobti kee Israayil qaskar qeebih ruube. Oson Qammon maral umam baaheenih, qaskarak qeebih yeyseeniih; Rabbay inaytâ-magaalah keenik tenehiyya maraasiyya heenih yabbixeenim faxen. Dawud isih magexinnay, Yarusalaam magaalal elle raaqe.

2 Samuwel 12:26

Tohut yanin waqdi Yowab, Qammon-marak inaytâ-magaalah gaadut yeneeh, malik elle suge caafat teetik yibbixe.

2 Samuwel 24:5

Ordon-weeqaytuk tabba 'yeenih, golô-gudel tan magaala kee Qarooqer deqsitta magaalal loowo qimbisen. Sarrak Gaad-rasuk tabeenih, kiblatat raqta Yaqder deqsita arac fan gexen.

1 Aydaad 26:31

Yeriyaahu deqsita num kaadu Cebroonuk radda 'ye marih abbootan kee saqoolinna luk yen. Dawud malik edde yekke morootomhaytô sanatat, Cebroonuk rade marih qaadak adda wagita mara heen. Too numih durruyyat elle tani'nna yaaxigeeni'gidih aben kusaaqisiyyal, Yaqder deqsitta magaalay Gilqad deqsitta baaxol geytintahiyyal, kaxxa ixxiga kee cubbi le maray Cebroonuk raddehiyya yanim geytinte.

Yasaqya 16:8

Cesbon garit tan buqre kee qinab-buqrey Sibma deqsitta kafte. Mango baaxooxah abbobti woo qinab-cooxut teeqete. Woo qinab-coox duma yan saaku Yaqder deqsitta magaala fan gufak sugeeh, ayrô-mawqa le kabuk bacarih tan baaxo fan gufak sugeeh, ayrô-culma le kabuk kaadu, tonnah, Rabe Bad deqsita bad taturak sugen.

Yasaqya 17:2

Qarooqeril tan magaalooli abur akkeleeh; illi kee laa elle taloole baaxo akkele. Woo illi kee laa wokkek num maxiiriya.

Ermiyaas 48:32

Yaqder marak fula Sibmâ-marat takku waytam yoo biyaktah tan. Sibmâ-magaalah mari le qinab xaylo xalta cooxuk luddi, xexxaarah Yaqder garil yan bad fan gufe. A saakuh tu gactek, naqboytit ken cooxih xaylo kee qinab inkih bayisse.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.

Yoosuwa 13:11

Gilqad rasu kee Gasur kee Maqka kee Cermon qaleh dariifal enna 'ta baaxo kee, Basan deqsitta baaxok Salka deqsitta magaalah amma 'yaanam tan baaxo Muusa inkih keenih yecee.

Yoosuwa 13:24

Wohuk kalah kaadu, Muusa Gaadah yooboke marah baaxo yeceeh; too baaxo Ruubenih yecee baaxok kilbat le qaxat raqta baaxok ten.

Yoosuwa 13:26

Rasi keenik Cesbon magaalak Raamot-Mixfa kee Batonim deqsitta namma magaalak fan akkuk yeneeh; tonnah kaadu, Macanaayim deqsitta magaalak xabba haanamaay Lodabar deqsita aracah amma 'yaanam tan baaxo inkih kenim tekke.

Makaabon 5:17

Gilqad-rasul daffeyta kedooda Ordonuk ayrô-mawqa le kabul elle teede. Daan-kedo doonikit edde raqte. Aaser-kedo baddi afal elle teede; baddi afih dariifal elle raaqen.