Yoosuwa 12:2 - NABUWWA KEE MALIKWA

² A namma malikik, malikik teeni migaaqah Sicon deqsitak yeneeh; malikih elle yenem, Amoorâ-marih baaxok ten. Too malik dabaaqah elle yenem, Cesbon deqsitta magaalak ten. Gilqad rasuk garab kay xintoh yen. Tohumuu, Arnon Golo deqsita aracak arut tan Qarooqer deqsitta magaala kee woo goloh gudel tan gersi magaalak xabba haanamaay Yabbok weeqaytuy Qammon marih cuduuduh yanihiyya edde anuk tan baaxo gufak ten.

Yoosuwa 12:2 ပူးပေါင်းရင်းမြစ်များ

1 Aydaad 5:8

Qadád-Belaq. Belaqak kaxxa-abba Samaq deqsite numuy Ayyuqel marak radek ten. Ta mari elle gacem, Qarooqer deqsita aracak xabba haanamaay Nabo kee Baqal-Maqon deqsitta aroocah amma 'yaanam takke baaxo.

Nacmiya 9:22

«Mango baaxô-doolatwa qeebil ken tiysiise. Too baaxooxak kulli'kkel suge marih baaxol ken nookisse. Sicon abbah elle suge Cesbon deqsitta baaxo ken gabal hayte. Qoog abbah elle suge Basan deqsita rasu kaadu ken gabal hayte.

Ermiyaas 48:19

Isin kaadu Qarooqeril yan maraw, ama giti xaqul soolay elle idiyaay; kuda mara tablen waqdi, ‹Maca tekkeh? Maca sin kudussa?› keenik inxica.

Makaabon 11:13

Qammon malik kaal gacseemih, «Israayil-mari Masrik yewqe saaku, Arnon weeqaytuk xabba haanamaay Yabbok weeqaytuh amma 'yaanam kee Ordon weeqaytuh amma 'yaanam takke baaxo yok beeniih; awayah tu gactekiiy, woo baaxo qeebi edde akke'kkalah yoh gacsaanama» iyye.

Makaabon 11:22

Oson Amoorâ-mari luk suge baaxok, Arnon weeqaytuk xabba haanamaay Yabbok weeqaytuh amma 'yaanam kee, tonnah kaadu, woo bacarih tan baaxok xabba haanamaay Ordon weeqaytuh amma 'yaanam takke baaxo keenik yibbixen.