Yoosuwa 11:5 - NABUWWA KEE MALIKWA

⁵ Too amoytitte kee ken qaskar tikka 'yaanamaak Israayil marat qeebi akak aboonu waan Meerom weeqaytu deqsita aracal yinfiddigen.

Yoosuwa 11:5 ပူးပေါင်းရင်းမြစ်များ

2 Samuwel 10:15

Suuriyah mari Israayil-marak gaceenim isinnik yublen waqdi, qaskarak elli haanamah seeco aben.

Yasaqya 8:9

Isin baadal tan ummatey, titta lih gaca'mmay baysetton. Baaxok xer ikkel yan maraw, ankacisa! Qeebih bical gaca'mmay baysettoonuuh, finqitetton.

Yoosuwa 11:4

Too mari inkih tan qaskaray mangah baddi afih qiddeytih gide takkehiyya luk yemeeten. Toh lih kaadu mango faariisa kee faaris beyta gaariira luk yemeeten.

Yoosuwa 11:6

Too waqdi YALLI Yoosuwak iyyemii, «Keenik mameysitin. Ah yoo YALLAAY; beera ta uddur, Israayil marih foocal, tikka 'yaanamaak sella ken heeh sugeyyo. Tohuk lakal faaris-gaariira keenik cararisettoonuuh, faariisak arqo keenik argiqetton» kaak iyye.

Yoosuwa 9:2

A mari inkih, inki aracal mododeenih, Israayil kee Yoosuwat qeebi abaana'gidih, qaskarak loonum sitta fan gacsen.