Yoosuwa 11:3 - NABUWWA KEE MALIKWA

³ Qagteh kaadu, Kanqaan baaxoh maray ayrô-culma kee ayrô-mawqat raaqahiyya kee, Amoorah yooboke maraay, Ciitah yooboke maraay, Feriidah yooboke maraay, Yabuusah yooboke maray woo qaleelah tan baaxol guubuh yenehiyya kee, tonnah kaadu, Ciiwih yooboke maray Cermon qaleh ragidil Mixfa deqsitta baaxol guubuh yenehiyyah edde farmo ruube.

Yoosuwa 11:3 ပူးပေါင်းရင်းမြစ်များ

2 Samuwel 24:16

Too dalkat sahda qidak suge malaykatti, Yarusalaam magaalah mara kaadu edde qidam faxak suge. Too waqdi YALLI a mara digaalaamak qaadeeh; malaykattuk, «Ahaysa qidim eyseedey sinaamak qiddem duddak» iyye. Woo malaykatti woo waqdi Ornan deqsita numuy Yabuusa deqsita marah yoobokehiyyah aracay darok caffa elle kalaanahiyyah garil soolak suge.

2 Samuwel 24:7

Too magaalak gabbi-qaxal geytimta Suur-magaalay gaso maroh edde tanihiyya yemeeten. Tokkek Ciiwi kee Kanqaan magaalooli inkih yemeeten. Ellecabol Yuudâ-rasuk gabbi-qaxat raqte Bersabaq deqsitta magaala yemeeten.

1 Malikwa 15:22

Tohuk lakal Aasa, inkih yan Yuudah rasul tan ummatak num raaqe'kal, «Baqsa, Raamat maro haa'gidih baaheh suge coox kee xeet wokkek kala» 'yaanam iyyeeh; too xeet kee coox tokkek kaleenih. Too duyyet Benyam rasul ten namma magaalay Mixfa kee Gabaq deqsitahiyya edde maren.

1 Malikwa 9:20

Suleeman a xisne edde absiisem, duma too baaxol suge maray Israayil mari bayse weehiyyak rade marak ten. Too mari migaaqah Amoora kee Ciita kee Fariida kee Ciiwi kee Yabuusa deqsitta kedoodah yaabuke marak ten. A saaku fanah, Israayil mari too marak rade mara naqoosah tamsiisa.

Ermiyaas 40:10

Anu Mixfal sugeyyooh; Baabelon mari yamaatu waa saaku, siinik iyyaanam tenek, anu sin aftok siinih yaabeyyo. Siinih tu gactek, ama elle tanton mandarwa fan uduuraay, tokkel qinab-xaylo ifiilaay caxâ-miru kee *daytuun xaylo ifiilla haay, daanah edde haan gaanut haay suga» keenik iyye.

Ermiyaas 40:6

Tohuk lakal Ermiyaas, Acikám-Gedalya fan gexeeh, tokkel baaxol raaqe mara lih yeede. Gedalya, Mixfa deqsita aracal suge.

Ermiyaas 41:14

Ismaaqil Mixfâ-magaalak seewah beeh suge mara inkih Yocanan gitak gacse.

Ermiyaas 41:3

Ismaaqil kaadu tokkel kaa'lih suge mara edde qide. Tonnah kaadu Baabelon-qaskaray wokke temeeteh sugte edde qide.

Yoosuwa 11:17

A baaxo xexxaarah Calak deqsitta qaley Edom baaxoh garit tanik xabba haanamaay Baqal-Gaad deqsita aracay Lubnaan-Daqaral yanihiyyah amma 'yaanam fanah xexxar kee nabnah akkuk ten. Lubnaan-Daqar Cermon qalek ragidit raaqa. Yoosuwa ta baaxooxah amoytittet qeebi mango wakti fanah abak suge. Takkay immay inkih qeebit ken yibbixeeh ken qide.

Yoosuwa 11:8

YALLI Israayil mara qeebil keenik yiysiiseh, ken gabal ken hee. Israayil mari Misrafot-Mayim kee Sayda deqsitta baaxo fan ken ayradduk been. Tohuk kalah kaadu Mixfâ Golo deqsitta baaxoy ayrô-mawqa le kabut raqtahiyyah amma 'yaanam fan xiiriyak ken been. A maray Israayilik naqboytiitih yenehiyya saabo cabba haam fanah qeebi gexak suge.

Yoosuwa 13:11

Gilqad rasu kee Gasur kee Maqka kee Cermon qaleh dariifal enna 'ta baaxo kee, Basan deqsitta baaxok Salka deqsitta magaalah amma 'yaanam tan baaxo Muusa inkih keenih yecee.

Yoosuwa 13:5

Gabal deqsita marih baaxo mabbaxinniton. Ayrô-mawqa le kabut raaqa Lubnaan rasu kaadu uxih mabbaxinniton. Tohumuu, Baqal-Gaad magaalay Cermon qalek gabbi qaxat raqtahiyyak xabba haanamaay Camat deqsita daabah amma 'yaanam tan baaxok ten.

Yoosuwa 15:38

Dilqan kee Mixfa kee Yoktaqel kee

Yoosuwa 15:63

Tonna'mmay Yuudah yooboke mari Yarusalaam addal yen Yabuusa deqsita mara woo magaalah addak yayyaaqoonu maduudinnon. A saaku fanah woo mari woo magaalal ken lih dabaaqah yanin.

Yoosuwa 18:26

Mixfa kee Kafiira kee Mooxa kee

Yoosuwa 3:10

‹Waara Dagelti sin lih yaniih, isin bisoh gutuqak elle tamaateenimil Yalli Kanqaanah yooboke maraay, Ciitah yooboke maraay, Ciiwih yooboke mara kee Feriidah yooboke maraay, Girgaasah yooboke maraay, Amoorah yooboke mara kee Yabuusah yoobokeh mara inkih baaxok ayyaaqele. Waara Dagelti ne'lih yanim macal aaxigenno inteenik, YALLAY inkih yan baadak Amoytah yanihiyyah qahdih sandug Ordon weeqaytuk siinik foocak tabselon.

Makaabon 20:1

Tah yoobbe mari, Israayil mari elle eneyya 'ya ikkek, Gilqad rasul elle suge marih agantah, num maraaqinnay, inkih yakkeenimik Mixfa deqsita aracal YALLIH foocal gaaboowen.

Makaabon 21:5

Sarrak iyyeenimih, «Israayil marak Mixfa fanah YALLIH foocal gaabownah amaate wee mari maay yan?» iyyen. Toh akah iyyeenim, Mixfa amaate wee num qideloonumul xiiba culeenih yenen.

Makaabon 21:8

Sarrakaa, «Gaabownah arac amaate wayteeh, daffeynat angale waytem maa maraay?» axcuk titta esseren. Gilqad rasuk Yaabes magaalal yen mari amaate weenimil titta geen.

Makaabon 3:3

Yallih fayxih baaxol raqtemii, Filistiinik koona magaalal yen mara kee, wohuk kalah, Kanqaanah yooboke maraay Saydâ mara kee, tonnah kaadu, Ciiwih yooboke marak ten. Ciiwî mari Lubnaan qaleelak Baqal Cermon deqsitta qaleh ragidik xabba haanamay Camat deqsita daabah amma 'yaanam tan baaxol yen marak ten.

Makaabon 3:5

Sarrak, Israayil mari, Kanqaan-maraay Ciitâ-maraay Amoorâ-maraay Feriidâ-maraay Ciiwî-mara kee Yabuusâ-mara lih ken baaxol dabqih gacen.

1 Samuwel 10:17

Samuwel, ummattah inkih Mixfa deqsita aracal, YALLI iyyem ankacisaana'gidih, seeco abe.