Yoosuwa 11:23 - NABUWWA KEE MALIKWA

²³ Tonnal YALLI Muusa akah amrise innal, Yoosuwa woo baaxo yibbixeh. Yoosuwa woo baaxo Israayil marah ikoytah yeceeh; kulli kedohuuy exxa-exxah keenih kure. Kulli kedoh ken gufa ken xexxar keenih yecee. Too ayrok wadir ummatta carbik toffoofeh raqte.

Yoosuwa 11:23 ပူးပေါင်းရင်းမြစ်များ

Nacmiya 9:24

Kanqaan baaxol suge marak qeebil ken tiysiiseh. Wokkel suge mara isi marih milkih hayte. Kanqaan malik kee kay marak isinnih faxeenim abitaana'gidih, ken gabal ken hayte.

Yacedkel 45:8

Too baaxo Israayil abba yakku waa numih ikoyta akkele. Too baaxok taturra 'yeh Israayil marih baaxo maxaga. Keenit maxukkuta.

Yoosuwa 12:7

Yoosuwa kee Israayil ummat kaadu Ordonuk ayrô-culma le kabut raqta baaxo yibbixen. Tohumuu, Baqal-Gaad magaalay Lubnaan Golol tanihiyyak xabba haanamaay Calak qaley Edom marih cuduudut xayuk raqtahiyyah amma 'yaanam tan baaxol, malikwah suggu 'ye mara inkih selli heen. Yoosuwa too baaxo Israayil marah kedo kedol kurra heeh, kulli way ikoytah takke'gidih keenih yecee.

Yoosuwa 18:10

Yoosuwa saami caxxal YALLI keenih loowe baaxo yable'gidih, saami caxxa qide. Tohuk lakal saami caxxal keenih tewqe baaxoo, baaxo geeh suge wayte kedoodah yecee.

Yoosuwa 22:4

YALLAY sin Dagelta kinnihiyya kaadu isih cule xagana siinih duudusseeh; Israayil maray sin toobokoh yanihiyyah amaan yecee. Duma YALLIH naqasuh yen Muusa, Ordon weeqaytuk ayrô-mawqa le kabut raqta baaxoy qeebit nibbixehiyya siinih yeceeh yen. Tahaysa too baaxol tan sin dabqa fanah uduura.

Yoosuwa 23:1

YALLI Israayil mara naqboytiitik amaan abek lakal, mango wakti tatreeh; Yoosuwa kaxxam idoolite.