Yoosuwa 10:6 - NABUWWA KEE MALIKWA

⁶ Too waqdi Gibqon mari Gilgal deqsita aracal yan Yoosuwah farmo ruubeeniih, iyyeenimii, «Ni amoytaw, Amoorâ malikway woo qaleelak tan baaxol tanihiyya takkeemiik lon qaskar inkih gaabossa heenih qeebi net abeenik, net takkeemik tibba maxcinay xayuk amay nee cata» kaak iyyen.

Yoosuwa 10:6 ပူးပေါင်းရင်းမြစ်များ

2 Malikwa 4:24

Sarrak oklol koori hayte. Too waqdi kaadintuk intemii, «Anu ‹Oklo caalih bey› kok axce'kal, caalih mabenay, duddah gide iysissik» inte.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yoosuwa 10:5

Too waqdi too koona malikiy Amoorah yoobokehiyya elle hayta qaskar esgelli heenih, Gibqon magaalat maro hayya heenih, qeebi aben.

Yoosuwa 10:7

Toh yoobbe waqdi Yoosuwaa, dooren qaskar kee raqqa 'te qaskar inkih luk gexe.

Yoosuwa 21:11

Naharak Kiryat-Arbaq deqsitta magaala keenih yeceen. A magaala elle muggaaqiseenim, Arbaq akak iyyan numuy Qanak deqsitta kedo akak raddehiyya. Woo magaala a saaku Cebron deqsitta. Cebron magaala elle tanim, qaleela mango Yuudâ rasuuy; tet lih lacti malaalah baaxoy dariifal tanihiyya kaadu keenih yeceen.

Yoosuwa 5:10

Israayil mari Yerikô-magaalah garil tan booxal Gilgal deqsita aracay elle yinfiddigeenil yanin waqdi, woo saaku edde sugen alsak taban kee fereyhaytoh ayrot carri waqla Elle-Tatriyyi-Qiid aben.

Yoosuwa 9:15

Yoosuwa qalla ken lih haysiteeh; yanoonay ken iyye. Israayil marih abbobti Yalla-kee-xagana ken lih haysitteeh; keenil make waanamih xagana keenih culen.

Yoosuwa 9:6

Sarrak Yoosuwa elle yinfiddige ikke fan yemeeteeniih; tokkel Yoosuwa kee Israayil marak iyyeenimih, «Xer baaxok yemeete mara kinninooh, qalla siinit haysinnam fanxa» keenik iyyen.

Yoosuwa 9:8

Too waqdi Yoosuwak iyyeenimih, «Nanu siinih taaminna'gidih yemeete mara kinnino» kaak iyyen. Too waqdi Yoosuwa, «Isin maa mara kinnitoonuuh, akak temeeteenim ankeey?» keenik iyye.