Yoosuwa 10:40 - NABUWWA KEE MALIKWA

⁴⁰ Yoosuwa too baaxooxah marak inkih yeyseh. Woo qaleelah tan baaxoh malikwak yeyseeh; ayrô-mawqa le kabut raqta qalê-ragidit tan baaxooxa kee, tonnah kaadu, ayrô-culmat raqta mango koomaami le baaxooy, tonnah kaadu, woo bacarih tan baaxoy gabbi le qaxat raqtahiyyal suggu 'ye marak inkih yeyse. Too baaxooxal suggu 'ye marak num macabinnay ufuy elle haytam inkih qide. Tah amrissem, YALLAY Israayil doore Dageltah yanihiyya.

Yoosuwa 10:40 ပူးပေါင်းရင်းမြစ်များ

1 Malikwa 15:29

Too waqdiik Yarobqam-buxah-marih qidimit gaba hee. Aciiya deqsita nabiy Siilol yoobokehiyya Yallih afak yoobbe farmo baahe saaku elle iyye innal, Yarobqam-buxah-mara qideeh, num keenik macabinna.

Nacmiya 9:24

Kanqaan baaxol suge marak qeebil ken tiysiiseh. Wokkel suge mara isi marih milkih hayte. Kanqaan malik kee kay marak isinnih faxeenim abitaana'gidih, ken gabal ken hayte.

Yoosuwa 10:35

Too ayrot edde tet yibbixen. Too yibbixen ayrot edde Laakis magaalah marak akah aben innah, num keenik cabe'kal sella ken heen.

Yoosuwa 10:37

sarrak tet yibbixeenih. Too waqdi tet malik kee woo magaalal suggu 'ye mara inkih qiden. Toh lih kaadu woo magaalah dariifal ten gaandoodi bayseeniih; addal akak suge mara kaadu seleenih. Yoosuwa too magaalak hununuh Qeglon magaalak akah abba hee innah, inkitanuuk tet bayisaanamal gaba kale. Teetil suge marak num macabinnay selli hee.

Yoosuwa 10:39

Sarrak tet kee tet malik kee tet garil sugga 'te gaandoodih agantah inkih yibbixen. Tokkel suggu 'ye mara qideenih. Yoosuwa Dabiir magaalah mara kee tet malikik Cebron kee Libnâ-magaalah mara kee malikwak abba heem abe.

Yoosuwa 11:16

Yoosuwa baaxo inkih yibbixe. Qaleela le rasu kee, mango koomaami le rasu kee, tikki 'ta Gosen deqsitta baaxo kee, Gosenik gabbi-qaxat raqta baaxoy bacarih tani kee, Ordon weeqaytih agantah yibbixeh.

Yoosuwa 12:8

Yoosuwa ta marah kure baaxotuu, qaleela le baaxo kee ayrô-culma le kabut raqta baaxoy koomaami mangohiyya kee, Ordon weeqaytu kee kay dariifal tan baaxoy koomaami mangohiyya kee, bacarih tan baaxoy ayrô-mawqa le kabut raqtahiyya kee, bakarroyti baaxoy gabbi qaxat raqtahiyya edde ten. Ta baaxol dabaaqah sugtem, Ciita kee Amooraay Kanqaan kee Feriidaay Ciiwi kee Yabuusah yooboke marak ten.

Yoosuwa 18:21

Benyaamah yooboke marah magaalak yeceenim ah teeti: Yeriko kee Beet-Cogla kee Qemekkaxix kee

Yoosuwa 6:17

Sarrak kaadu iyyeemih, «A magaala kee tet addal tanim inkih YALLIH sadgatah bayisa. Racab deqsitta xiiqareh xiinah ten barra nanu gibah rubne mara neh tooqoreemih sabbatah, tet buxah mara kee tet maxagina.

Yoosuwa 8:2

Qaay magaala kee malikik, duma Yerikô-magaala kee tet malikik abba haytem abetto. Tonna'mmay magaalal geytoonu waytan duyye kee saq isinnih haysitetton. A magaala darreek gacca 'teeniih garciik abbixetton» kaak iyye.

Yoosuwa 8:27

Sarrak YALLI keenik elle iyye innal, wokkeh addal sugga 'ye saq kee duyye Israayil mari isih haysite.

Yoosuwa 9:24

Oson too waqdi iyyeenimii, «Tah innem kinni. Tah akah innem, YALLAY sin Dagelta kinnihiyya isin bisoh gutuqak elle tamaateenimil, a inkih tan baaxo siinih yeceeh; tet addal yan mara qiddaana'gidih, isi naqasuh yen Muusa amrisem noobbeeh; toh numma kinnim neexegeh. Tohuh siinik meysinneh sugneemih sabbatah inne. Ninni roocih meysitak sugne.