Yoosuwa 10:37 - NABUWWA KEE MALIKWA

³⁷ sarrak tet yibbixeenih. Too waqdi tet malik kee woo magaalal suggu 'ye mara inkih qiden. Toh lih kaadu woo magaalah dariifal ten gaandoodi bayseeniih; addal akak suge mara kaadu seleenih. Yoosuwa too magaalak hununuh Qeglon magaalak akah abba hee innah, inkitanuuk tet bayisaanamal gaba kale. Teetil suge marak num macabinnay selli hee.

Yoosuwa 10:37 ပူးပေါင်းရင်းမြစ်များ

Yoosuwa 10:28

Tohuk lakal Yoosuwa Makkeda deqsitta magaalat qeebi abeeh, tet kee tet malik woo qeebit yibbixe. Too magaalal suggu 'ye mara seleh. Num nuwwuk keenik macabinna. Makkedah malikik woo Yerikô-malikik abba heem abe.

Yoosuwa 10:35

Too ayrot edde tet yibbixen. Too yibbixen ayrot edde Laakis magaalah marak akah aben innah, num keenik cabe'kal sella ken heen.

Yoosuwa 10:36

Tokkek gaba kalen waqdi, Yoosuwa kee kay qaskar Qeglon magaalak Cebron deqsitta magaalay qaleela le baaxol tanihiyya fan gexen. Too magaalat kaadu qeebi abeenih

Yoosuwa 10:38

Tohuk lakal Yoosuwa kee kay qaskar wadir Dabiir magaala fan gacteeh, qeebi teetit aben.

Yoosuwa 10:39

Sarrak tet kee tet malik kee tet garil sugga 'te gaandoodih agantah inkih yibbixen. Tokkel suggu 'ye mara qideenih. Yoosuwa Dabiir magaalah mara kee tet malikik Cebron kee Libnâ-magaalah mara kee malikwak abba heem abe.

Yoosuwa 10:40

Yoosuwa too baaxooxah marak inkih yeyseh. Woo qaleelah tan baaxoh malikwak yeyseeh; ayrô-mawqa le kabut raqta qalê-ragidit tan baaxooxa kee, tonnah kaadu, ayrô-culmat raqta mango koomaami le baaxooy, tonnah kaadu, woo bacarih tan baaxoy gabbi le qaxat raqtahiyyal suggu 'ye marak inkih yeyse. Too baaxooxal suggu 'ye marak num macabinnay ufuy elle haytam inkih qide. Tah amrissem, YALLAY Israayil doore Dageltah yanihiyya.

Yoosuwa 11:12

Yoosuwa amoytitte elle sugte magaalooli kee woo magaaloolih malikwa inkih yibbixeeh; Muusay YALLIH naqasuh yenehiyya elle inxicca 'ye innal, tokkel suggu 'ye mara inkih qideenih.