Yoosuwa 10:27 - NABUWWA KEE MALIKWA

²⁷ Ayro cultek lakal woo cooxih baguk ken ginaada oobiseenih, woo duma edde yombooqoreenih sugen gablah addat ken qiden. Sarrak woo gablak afa kaxxa xeetit alfen. Woo xeet a saaku fan elle yan.

Yoosuwa 10:27 ပူးပေါင်းရင်းမြစ်များ

2 Samuwel 18:17

Sarrak Absalaam raysa beeniih, garboh addal tan kaxxa boodot qiden. Tohuk lakal woo boodo xeetik kibeenih, waydal gurral bicsen. Toh tekke waqdi Israayil mari yakkeemik mariiy isi buxa fanah kude.

Yoosuwa 4:9

Yoosuwa kaadu taban kee namma xaa Ordon gudel Qahdi-Sandug tabbixe seeka elle solta ikkel soolise. Woo xeet uxih a saaku fan tokkel yan.

Yoosuwa 7:26

Amol kaak qalumuk fayya 'ta caddol xeet sittin bagul xiseeniih; woo xeet a saaku fan elle yan. Woo arac a saaku fanah migaaqah Gadaamâ Golo deqsita. Tohuk lakal YALLIH kaxxa bagcarra xamacteh.

Yoosuwa 8:29

Qaay malik caxak bagut takareeh, ogot kaa qide. Too caxah bagut carra fan takayrit suge. Ayro culte waqdi Yoosuwa, «Malik raysa caxak oobisa» iyye. Too waqdi kay raysa caxak oobiseenih magaalak afal qiden. Too aracal qalumuk fayya 'ta caddot xeet sittin bagul xisen. Woo xeet a saaku fan elle yan.