Yoosuwa 10:26 - NABUWWA KEE MALIKWA

²⁶ Sarrak Yoosuwa woo koona malik inkih qideek lakal, yakken konooyuk koona caxat ken takre. Oson woo cooxih bagut ayro culla 'tam fan takayrut sugen.

Yoosuwa 10:26 ပူးပေါင်းရင်းမြစ်များ

2 Samuwel 21:6

Taway nanu kaadu fanxam, Saawuluk rade marak labhâ-malciin gabal nek haytaama. Too mara, Gibqâ-magaalay duma YALLI malikih dooreh suge Saawul buxa elle luk sugehiyyak addal, YALLIH foocal takayrit ken qidnam fanxa» iyyen. Malik Dawud, «Too malcina num siinil aceeyyo, hay» keenik iyye.

2 Samuwel 21:9

Dawud ta mara Gibqon marih gabal heeh; too mari qaleh amo beyya ken heeniih, tokkel YALLIH foocal ogot ken qiden. Ta malcina num titta lih qiden. Ken qideenim, yubqureenim edde orbisan waktil gabru deqsitta daro edde orobtam faxxa udduruk ten.

Aster 2:23

Malik too waqdi taham numma kinnim kee akke waytam yasmite mara hee. Too mari Mordakay iyyem numma kinnim yismiteeniih; too waqdi too namma num takayrut qiden. Sarrak malik, «Taham elle tekke inna Fursi-Dardaarinni-Aydaada deqsita kitaabih addal uktuba» 'yaanam iyye.

Yoosuwa 8:29

Qaay malik caxak bagut takareeh, ogot kaa qide. Too caxah bagut carra fan takayrit suge. Ayro culte waqdi Yoosuwa, «Malik raysa caxak oobisa» iyye. Too waqdi kay raysa caxak oobiseenih magaalak afal qiden. Too aracal qalumuk fayya 'ta caddot xeet sittin bagul xisen. Woo xeet a saaku fan elle yan.

Makaabon 8:21

Too waqdi Debac kee Xalmunna Gidqoonuk annah inte. «Labhâ-taama abtam labhaytuk, amay isih nee qid» kaak iyyen. Too waqdi Gidqoon ken qideeh; ken gaalih fillat bilqah heenih sugen bilâ-duyye beeh.

1 Samuwel 15:33

Kaa baahen waqdi Samuwel kaak iyyemii, «Ku seef mango inonti xaylo maleh akah cabe'nnah, ku ina a saaku kaadu baxa maleh raaqele» kaak iyye. Sarrak YALLA elle yaqbuden aracay Gilgalal yanik foocal exxa-exxah kaa kure.