Yoosuwa 10:13 - NABUWWA KEE MALIKWA

¹³ Too waqdi ayro kee alsa, Israayil mari naqboytiitik iissa 'yam fan, angayye'kal inki aracal elle sugte. Aham elle tekke inni Yaasar deqsita kitaabih addal yan. Inkih tan ayro, ayro kore'kal qaraanak gudel inki aracal teede.

Yoosuwa 10:13 ပူးပေါင်းရင်းမြစ်များ

2 Malikwa 20:10

Too waqdi Ciskiyyaahu, «Iraawo tabna maaqatta foocah gexxam sahalih taniimikih, tabna maaqatta wadir gacis» iyye.

Aster 8:13

Taham, ahak wadir, inkih yan rasul timixxige xinto akkele. Yahuud mari too ayro qeebi keenit abu waa marah bical sugelon 'yaanam elle ten.

Yasaqya 24:23

Sarra, YALLAY Nabaamak Nabahiyya reedele. Tohuk gexxaamah alsa kee ayrô-diifi amballayuk maraaqa. Too saaku YALLAY Nabaamak Nabahiyya Yarusalaam magaalal Siyon-qalel reedele. Yarusalaamal sugtu wayta makaabon too saaku kay nabna ablelon.

Ayyuqel 2:10

Ta qanayti yamaate way, baaxo axaxittaah qaran yangayye. Ayro kee alsal dite radda; cutuuka bar ifak maraqta.

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Ayyuqel 3:15

Ayro kee alsa dattooweleeh; cutuuka ifak maraqta.

Cabakkuk 3:11

Ato lito gaysê-baxay habug iyyaah liliq iyya, qalaamisseeh qidde waqdi, qaran bagul alsa solteh, ayro kinnih edde solte. Ku macaxuy habug iyyah, ayro solteeh, alsa teede.

Yoosuwa 10:11

Amoorâ-mari Israayil marak woo qalek ooban waqdi, akak taban gitak kudak oobak sugen waqdi, YALLI kaxxa arroqle keenil ruubeeh; too arroqle Qadeeka guffa haanam fan keenil radak sugte. Israayil marih gabat tembexeemik, too arroqle qiddem tembegge.

Yoosuwa 10:14

Too ayroh innah, YALLI sahdayti yab edde oggole ayro duma masuginnaay a saaku makkinna. YALLI too ayro Israayil marih qaxak gacca 'yeh qeebi abe.

Makaabon 16:28

Too waqdi Samsoon dooqa abeeh, woo dooqah iyyeemih, «YALLAW, Mulki le Dageltaw, ku maganak yoo kassa hay. Yallaw, ku maganak a Filistiin maray namma inti yok yeyyeeqek cane gacsa'gidih, inki adda qande yot hay» iyye.

Makaabon 5:2

«Israayil mari qeebit baguuk ugte; ummatta ruffu axcuk qeebit isinni fayxik ugten. Tonna-leemiik YALLA fayla taafay!