Yoosuwa 1:9 - NABUWWA KEE MALIKWA

⁹ ‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Yoosuwa 1:9 ပူးပေါင်းရင်းမြစ်များ

2 Samuwel 13:28

Kay taamat yan marak iyyemii, «Amnon kaxxam yaskirem tablen waqdi, cubbusak suggu 'xicay; anu amri siinih aceeyyok, isin kaa qida. Mameysitina. ‹Macah kaa qiddeeniih?› siinik iyya mari yenek, yoo liton. Labha tikaay, tamahal namma kalbi mahana» keenik iyye.

1 Aydaad 28:20

Tohuk gaba kale waqdi kaak iyyeemih, «Tahaysa, yi baxaw, niya haysitaay abtaamak agaagul cabba haay digga 'xic. YALLIH Qibaadah-Qarih-taama qimbisaay, faxem takkeemih fanat akak maadayin. Dageltah yan YALLAY yi Dagelta kinni koo elle catele. A taamak gaba kalla haytam fan kol macabay koo elle catak sugele.

2 Aydaad 15:7

A saakuh tu gactek, agiira takkeenim siinil taniih; niya siinik baxaqe waytaama. A saaku abtan taamah galto Yallak geetton» keenik iyye.

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 43:5

Qagseh iyyemii; «Anu sin lih ani'mmay mameysitina. Ayrô-mawqa le kabul tan sin xaylo siinih gacseyyo; ayrô-culmak bahha sin heeh, sin baaxol tittal sin gacseyyo.

Yasaqya 8:12

«Oson aban malat ken lih mangalin. Oson akak meysitaanamak mameysitinaay, akak cunxitaanamak macunxitin.

Daaniyel 10:19

Too waqdi yok iyyeemih, ‹Yalli kaxxam koo kicnahak, atu tuk mameysitin. Yallih nagayna ko'lih tanayak, niya haysitaay digga inxic› yok iyye. Usuk ah iyye waqdi anu nagay ekkeh; kaak exceemih, ‹Intam faxxam inxicey, away nagay yoo abtek› kaak exce.

Caggay 2:4

Taway ugutay xisne qimbisa. Niya siinik rade waytay. Wakalih anu sin lih anik, xiso qimbisa.

Caggay 2:5

Masrik tewqen saaku sin lih an 'yaanam siinik exceh sugeeh; tokkeey akke sin lih anik mameysitina. Toh siinik intam yooy YALLAY Nabaamak Nabahiyya› keenik inxic» iyye.

Yoosuwa 1:10

Tohuk lakal Yoosuwa abbobtih yen marak iyyemii,

Yoosuwa 1:17

Kaadu qagseenih iyyeenimii, «Nanu Muusah amri kulli way elle oggolak sugne innal, ku amri kaadu oggolennooh; YALLAY ku Dagelta kinnihiyya, Muusa lih elle suge innal, ko'lih kaadu yanay.

Yoosuwa 1:18

Ku abbootan cina num kee atu axcinnaanim cina numul rabi amaatele. Abtaamat bisoh inxicaay agaagul akak cab» kaak iyyen.

Yoosuwa 10:25

Tohuk gaba kalen waqdi qaskar abbobtik, «YALLI naqboytiitik inkih tamah sin elle yaysiisu waa innak, mameysitinaay niya haysita. A taamal digga xicay agaagul akak caba» keenik iyye.

Yoosuwa 10:8

Too waqdi YALLI Yoosuwak iyyemii, «Anu nasri koh aceeh ani'mmay, keenik mameysitin. Keenik num kot makoysitak» kaak iyye.

Yoosuwa 3:7

Tohuk lakal YALLI Yoosuwak annah iyye. «Anu a saaku abu waamak gexxaamah, Israayil mari kaxxa numuh koo abaluk raaqeleeh; anu Muusa lih akah suge innah ko'lih kaadu anim aaxigelon.

Yoosuwa 6:27

Too saaku tekkeemik gexxaamah YALLI Yoosuwâ-wakali yekkeeh; Yoosuwâ-migaq inkih tan baaxol yontoobbe.

Yoosuwa 8:1

Tohuk lakal YALLI Yoosuwak iyyemii, «Tikka 'ta qaskar gabat haay, woo Qaay fan gex. Mameysitinay niya kok baxaqe waytay, Qaay magaalah malik kee woo magaalal tan ummattak qeebih koo aysiiseyyo. Woo magaala kee baaxo sinim abeyyo.

Makaabon 6:14

Tohuk lakal YALLI kaa fan wagteh kaak iyyeemih, «Koo rubtam yook, caylak litoh gide koo xiqtah tanik, gex. Israayil mara Miidiyan marih xukkok cat» iyye.

1 Samuwel 10:7

Taham tikka 'tek wadir, Yalli ko'lih aneleeh; kot ceelinnaanim abetto.