Yoosuwa 1:7 - NABUWWA KEE MALIKWA

⁷ «A taamal digga xicaay, abba haytaamal agaagul akak cabba haay dudda luk ab. Yi naqasuh yen Muusa koh warse xinto intam inkih oggola num tik. Teetil enna 'taamak tu cabe'kal duudusaay; tonnal gexinnaan ikkel kullim gabal kok bicele.

Yoosuwa 1:7 ပူးပေါင်းရင်းမြစ်များ

1 Malikwa 2:2

«Anu ahaysa diikô-num akku waah aniih, tonna'mmay, atu abinnaanimil digga le num tikay, labhaytu tik.

1 Malikwa 2:3

YALLAY ku Dagelta kinnihiyya ab kok axcinnaanim abay, kay gitat gex. Muusal oobe kitaabal tan Yallih xinto kee madqaay, kay baritto kee kay amri inkih duudus. Tonnal abinnaanim gabal kok amqeleeh, elle gexinnaan ikkel abinnaanim gabal kok bicele.

2 Malikwa 22:2

Yoosiyaahu YALLI kicna taama abak yen. Isi kaxxa abba Dawuduk kaxxih, Yallih gita kataatak yeneeh, agaagul sinnim Yallih xinto intam abak yen.

1 Aydaad 22:13

YALLI, Israayil ummatah Muusal ruube xinto duudussek, tonnal, yi baxaw, kullim gabal kok bicele. A taamal digga xicay agaagul akak cab; tuk mameysitinaay, niya kok baxqe waytay.

2 Aydaad 15:7

A saakuh tu gactek, agiira takkeenim siinil taniih; niya siinik baxaqe waytaama. A saaku abtan taamah galto Yallak geetton» keenik iyye.

2 Aydaad 26:5

Zakariyya akak iyyan seekiy Yallih gita kaa barisak yenehiyya addunyal suggu 'yem fanah, kay fayu oggolakaay YALLI kicna taamah baguuk taamitak suge. Tonna-leemiik Yalli barkat kaat hee.

Daaniyel 10:19

Too waqdi yok iyyeemih, ‹Yalli kaxxam koo kicnahak, atu tuk mameysitin. Yallih nagayna ko'lih tanayak, niya haysitaay digga inxic› yok iyye. Usuk ah iyye waqdi anu nagay ekkeh; kaak exceemih, ‹Intam faxxam inxicey, away nagay yoo abtek› kaak exce.

Yoosuwa 1:1

YALLIH-naqasuh yen Muusa rabek lakal, *YALLI, Muusa catoh luk yen Nuun-Yoosuwa lih yaabe.

Yoosuwa 1:8

Tama xinto elle tunkuttube kitab kulli waqdi kassitay mahawweenin. Bar kee laqoh kawis. Tama kitaabih addal tanim inkih duudussem keh nagay isik cubbus. Taham abtek kullim kol amqeleeh; kullim gabal akak bicta num akketto.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Yoosuwa 11:15

YALLI ah abaana'gidih, amri Muusal oobiseeh; Muusa kaaduuy woo amri Yoosuwah warseeh; Yoosuwa too amri duuduseh. Yoosuwa, YALLI Muusa amrissa heem inkih yugdube.

Yoosuwa 23:6

Tonna'mmay Yallih xinto elle tan Muusal obte kitaabal unkuttubba intem digga luk abtaanam siinil tan. Too kitab inxicca 'tam inkih duudussaanam siinil tan.