Yoosuwa 1:5 - NABUWWA KEE MALIKWA

⁵ Tonna'mmay Yoosuwaw, atu addunyal tanim fan qeebil num kok mayaysaay; anu kaadu Muusa lih akah suge innah ko'lih aneyyo. Kok mabaxsimaay way koo macaba.

Yoosuwa 1:5 ပူးပေါင်းရင်းမြစ်များ

1 Malikwa 1:37

YALLAY ko'lih sugehiyya kaadu Suleeman lih gacay. YALLI kay dardaarinni ku dardaarinnak kinni-way nabnah yaysiisay» iyye.

1 Malikwa 11:38

Yi naqasuh yen Dawud akah abak suge innah, anu kok aba axceemik tu cabe'kal duudusseeh, anu oobise xinto aba intam abteeh, anu koo akah amrisam abak, yi garil cakkik tan taamat ase koo tekkek, kulli way ku qaxat gaceyyo. Israayil malik koo abeyyooh, Dawuduh akah abe innah, ku lakal kok radu waa marak numuk teena reediseyyo.

1 Malikwa 6:13

Away Israayil ummatay yi mara kinnihiyyah addal gaceyyo. Israayil mara booxal qidda heeh macaba» kaak iyye.

1 Malikwa 8:57

«YALLAY ni Dageltah yani, ni kaxxa abbobti'lih akah suge innah, ne'lih yanay. Nee cabe waay ne'lih yanay.

1 Aydaad 28:20

Tohuk gaba kale waqdi kaak iyyeemih, «Tahaysa, yi baxaw, niya haysitaay abtaamak agaagul cabba haay digga 'xic. YALLIH Qibaadah-Qarih-taama qimbisaay, faxem takkeemih fanat akak maadayin. Dageltah yan YALLAY yi Dagelta kinni koo elle catele. A taamak gaba kalla haytam fan kol macabay koo elle catak sugele.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Ermiyaas 1:8

Anu koo cata'gidih ko'lih aniih; num kot baaham mali. Tah intam yoo YALLA'mmay, keenik mameysitin› 'yaanam yok iyye.

Daaniyel 11:16

Suuriyah malikiy qeebi keenit abahiyya isih faxxa heem abeleeh; num kaat makoysita. Baaxooxak qaxa inkih tayse baaxo isi gabat heeleeh, too baaxo edde bayisu duuda qande luk sugele.

Yoosuwa 1:17

Kaadu qagseenih iyyeenimii, «Nanu Muusah amri kulli way elle oggolak sugne innal, ku amri kaadu oggolennooh; YALLAY ku Dagelta kinnihiyya, Muusa lih elle suge innal, ko'lih kaadu yanay.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Yoosuwa 10:8

Too waqdi YALLI Yoosuwak iyyemii, «Anu nasri koh aceeh ani'mmay, keenik mameysitin. Keenik num kot makoysitak» kaak iyye.

Yoosuwa 21:44

YALLI too baaxol, duma ken kaxxa abbobtik elle iyye innal, yakkeenimiik amaanah ken xiinise. Keenik naqboytiitih yen marah qeebih aabbuk manannon. Woh akah takku duddem, YALLI Israayil marak qaduwwi ayse waa'gidih, ken catak mayso keenih acayuk yen.

Yoosuwa 3:7

Tohuk lakal YALLI Yoosuwak annah iyye. «Anu a saaku abu waamak gexxaamah, Israayil mari kaxxa numuh koo abaluk raaqeleeh; anu Muusa lih akah suge innah ko'lih kaadu anim aaxigelon.

Yoosuwa 6:27

Too saaku tekkeemik gexxaamah YALLI Yoosuwâ-wakali yekkeeh; Yoosuwâ-migaq inkih tan baaxol yontoobbe.

Makaabon 2:18

Sinam keenit xukkuttaah ken biyaakan waqdi, YALLAL weeqah hayya haak yenen. Too waqdi YALLI keenih xuwaawak yeneeh; makaabantu doorru haak yeneeh, too makaabanti addunyal yanim fanah kaa catakaay, woo makaabantih gabat Israayil mari qaduwwik akah yayse'nnah abak suge.

Makaabon 6:16

YALLI kaadu kaak iyyeemih, «Anu koo cateyyooh; tonnal abtu duudetto. Miidiyan mari qandek inki numih gide kol mayallaay; bututtukka ken heetto» kaak iyye.

1 Samuwel 10:7

Taham tikka 'tek wadir, Yalli ko'lih aneleeh; kot ceelinnaanim abetto.