Yasaqya 9:20 - NABUWWA KEE MALIKWA

²⁰ Inkih tan baaxol ummatta maaqo tittak bukkusseeh; maaqok geennaan im yakmeeni'mmay tohuh macayyan. Isinni gabah cado kinni way yokmen.

Yasaqya 9:20 ပူးပေါင်းရင်းမြစ်များ

Yasaqya 10:4

Carbit ambaxe kee casbit yan marih innah seewah sin bee akkelon. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 14:30

YALLI isi marak masaakiinah yan marah, elle yaffoofen baaxo aceeleeh, amaanah xiinelon. Takkay immay YALLI, Filistiin maraw, siinil kaxxa qulul ruubeleeh, takkeenimiik too qululut ambaxetton.

Yasaqya 3:1

YALLAY Dagelta kinnih Nabaamak Nabahiyya, Yarusalaam kee Yuudâ-rasuk ummatta kibaal elle luk sugte mara kee duyye beele. Lee-kee-qaysoh edde sugeenim keenik beele.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 51:19

Kaxxa bala siinil obte. Baaxo siinik carbit baate; ummatta siinik qulul kee carbit tembexe. Takkay immay siinil yamaateeh taqdiyya siinih gacsa mari mayan.

Yasaqya 8:21

Niya akak tiddigilleeh qululte ummatta baaxot meekitele. Qulul ken yabbaxu waa waqdi bagcarriteloonuuh isinni malik kee Yalla xaafelon. Qaran gubaak wagga heeloonuuh

Yasaqya 8:22

baaxo fan addah wagga heelon. Too waqdi laqô-bar keenil radeleh; keenit takku wayta gadaama kee gibdaabina ablelon. Dite le aracay ableh umahiyyat gutuqak ken heelon.

Ermiyaas 13:14

Too waqdi kibuk tan buutitteh innah tittat ken bodsiiseyyo. Tittin gabat ken qidsiiseyyo. Qunxa num kaxxa numut ruubeyyooh, tittin gabat ken qidsiiseyyo. Keenih maracmataay keenih maxuwaawam keenih waris› yok iyye» iyye.

Ermiyaas 19:9

Ken naqboytiitiy ken selam faxxahiyya keenit ruubeyyo. Too mari magaala marot keenik heeleeh, akak yawqen afa mageyan. Tohuk gexxaamah xaleena xaylok cado akmele. Mari marin cado maaqoh keenik akmelem keenih waris› » yok iyye.

Miika 6:14

Adoobittaanamah cayya m'intaanaay, satqa sin macabta. Abtaanam takkaleenim gabal siinik mabicta. Cattaanam takkalen duyye macattaanaay, carbit siinik bayseyyo.

Zakariyya 11:9

Tohuk lakal illiy duwah edde anik exceemih, ‹Illow, anu innih tahaysa sin duwat magaca. Bayu waa illi siinik bayay; rabam faxa illi siinik rabay; raaqe illi titta bayisay› 'yaanam exce.