Yasaqya 9:2 - NABUWWA KEE MALIKWA

² Ditet tan ummat kaxxa ifu ablele. Duma silal elle radak suge rasul yan maral away ifi gacele.

Yasaqya 9:2 ပူးပေါင်းရင်းမြစ်များ

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Yasaqya 60:19

Ahaysa laqo ayroh ifut faxxu waytam mantu; bari kaadu alsah ifut faxu waam mali. Yoo YALLI way-baruge-sinni-ifu koh akkele; nabna ku Dageltak geetto.

Yasaqya 9:1

Too maray too gide gadaamat sugehiyya tohuk wadir kaxxa diteh addat maraaqaay gadaamitak maraaqan. Yalli duma, Dablon kee Naftaalih yooboke marih rasi gaca-rasu abak suge'mmay, sarra yan saakuh kaxxa rasu kaa abele. Too rasi, Maditraaniyah badak ayrô-mawqa le kabuk xabba haanamaay Ordon weeqaytuk woo qaxa raaqa Galiil baaxoh maray Israayilih aabuke waahiyya elle yanih fanah, kaxxa nabna le rasu akkele.

Qaamus 5:8

«Adal deqsitta cutuuka gintem YALLAAY; Malcino qaran bagul haytem kaa. Bartî lakal saaku gintaah, maaci lakal bar gintam kaa. Baddi lee qaran eyyeqqa hayteeh, wadir baaxol tet oobissam kaa. Cayla-leela bayissaah; reebuh lon gasoosa taggilem kaa. Toh YALLA kinnim ixiga.

Makaabon 5:30

‹Boylah orbisoonu waanamih goranat yanin keeni; baxuwwa takkuu, hinnay kaadu nammayay, qaskarah yacoonu waanah goranat yanin keeni. Nabam meqe saray Sisra yacoonu waanah goranat yanin keeni. Fillah qaxa yeymeeqen bila baahaana'gidih goranat yanin keeni. Fillah bilen saro goranat yanin keeni› 'yaanam isi bagul tucsube.