Yasaqya 9:15 - NABUWWA KEE MALIKWA

¹⁵ Amo keenik idoolay oson assakaxxuk sugeeniiy; geerah keenik tanim, nabuwwa kinnino iyya maray dirab acayuk sugehiyya.

Yasaqya 9:15 ပူးပေါင်းရင်းမြစ်များ

1 Malikwa 13:18

Beetal rasul suge idaltuh yan nabi diraabah kaak iyyeemih, «Anu innih kok kaxxih nabi kinniyooh; YALLII, malaykattu yol ruubeeh; too malaykatti yok iyyeemih, ‹YALLI, Tama-nabi buxah beyaay qibnaytiino kaah ab, kok iyyah yan› 'yaanam yok iyyeeh; koo beyu waa» kaak iyye.

Yasaqya 19:15

Gaddali akke kee, hinnay, baacoyta yakkeemih, hinnay kaadu, kaxxa num akke kee amixxige waa num yakkeemih Masri marak num tu keenih maxiqa.

Yasaqya 23:9

ta magaalal tah oobissem, YALLAY Nabaamak Nabahiyya kinni. Akah abem, teetiy sahda elle kaxxiinitak sugte bayisa'gidiiy; baadal migaq-gexxo le mara inkih wacarroysa'gidih abe.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 28:17

A magaala edde massowtu waytam, qadaalata. Sekexih gexxaamak cakki kee qadaalat tet sooliseyyo. Diraabay isin elle taamineenihiyya bayseyyo. Isin uqurah liton arac weeqi duufut beele.

Yasaqya 28:7

Seekaay nabuwwa abte sikratah ibi keenik lagaggaq iyya. Kamrit aben sikratih taagah annikissuk yandafoofolen; baditak gita malit radan. Nabuwwa kamrit tiskireh tan. Suwaawuruy oson yableenit radoonu cineenih; yefferen. Seeka kaadu kaxxam tiskire; sinam amoh keenik bahta yab mekloonuuy kuroonu yefferen.

Yasaqya 29:10

YALLI kaxxa xin siinil ruube. Nabuwwa sahdah addah inti takkem faxxiimak ten. Takkay immay YALLI namma inti keenik alfeh. Sirri yable mari sahdah kas kee misinkaca yakkeenim faxxiimak ten. Takkay immay YALLI misinkaca keenik alfeh tut rade ken kaleh.

Yasaqya 3:12

Urri yi ummattat xukkutah yanih; agbi ken amol yan. Yi ummatey, sin miraacisa mari sin duquurusah, makot sin beyan.

Yasaqya 3:5

Mari marat keenik xukkutele. Qunxa urri barah naba mara mayassakaxxa. Tut loowoh suge wee mari, isik naba mara mayassakaxxa.

Yasaqya 43:27

Akak radden sin kaxxa abba duma dambit aseh yen; sin afak yabta sin kedoh-abbobti yi yab cinak sugte.

Yasaqya 5:13

Kaa mataaxigan. Tonna-leemiik, casbit yan marih innal sin beelon. Sin miraacisa mari qululuh ambaxele. Raqqa 'ye mari bakaarah ambaxele.

Yasaqya 59:3

Diraabat yabtaanaah, kullim dirkih abtaanaah, qabal gabal siinik yan. Toh inkih qellatay isin abtaana.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Ermiyaas 23:32

Ummatey, anu siinik axcem ankacisa. Yok amaate wayte soono ‹Yallak nel temeete› iyyaah; anu keenik axce weem ‹Yalli nek iyye› iyya maray nabuwwa kinnino iyyak naqboytah yan Dagelta kinniyom yok ixiga. Ta mari isih edde yan mako hinna'mmay, ummat yok makot beyan. Akke waanaah gideh isinni haan. Ken rubtem yoo hinna. Farmoy keenil ruube mayyu. Ken kee oson bahneh iyyan farmo, ummatah xiqtam le farmo hinna. Tahat yabtam yoo YALLA kinni» 'yaanam iyye.

Ermiyaas 23:9

Ermiyaas dirab le nabuwwah giddinaamak iyyeemih, «Cisab yoo yibbixeeh; afqado dub yok inta; xagar yok axaxitah. YALLAY *kudduusuk yani kee Yallih qangarah meysih, yiskire numih innah gaceh an. Mango kamri yooqobe numih bis elle an.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Yacedkel 13:19

Inki gaba kibe wayta gabru deqsitta daro akke kee, hinnay kaadu, gaqamboytâ-rike geytaana'gidih, sahdak foocal qaybik yoo qiddan. Yi maray sin yab numma yakkaleenihiyyal dirab acayuk, rabi akah aguude waa mara qiddaanaah, rabi akah yaguude mara cabtaanah. Tonnal qaybik yoo qiddan› siinik iyya» iyye.

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

Hosiqa 9:8

Nabi, Yalli Israayil ummatay kay marah tanihiyyah aylahu kaleh, takku waytam keenih warsa'gidih ruube numu. Tohuh isin kaa ablinnaan waqdi, kimbiro oflot elle yabbixen innal, kaa tabbixeenim faxxaanaah, Yallih Qibaadah-Qaril kaa tinqibeenih.

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.

Miika 3:5

YALLI sinam duquurussa nabuwwah farmo ruube. Oson guquluh lakqo keenih yecee marak, ‹Tu sin maxagtaay, amaanah xiinettoonu› iyyaanaah; lakqo keenil kalita marak, ‹Carbi siinit akkele› iyyan.

Malaaki 2:9

Yi amri cine mara tekkeeniih, yi mara barissan waqdi, inki intit ken maballitoonuuy; tohuk gexxaamah Israayil marih intit, bura le mara sin abeyyo. Tah intam yoo YALLAY Nabaamak Nabahiyya» keenik iyye.

1 Samuwel 9:6

Kaa'lih yan num, «Sug! Ama magaalal Yallih numuy kaxxam yassakaxxeenihiyya yaniih, usuk akkele inxicca 'yem inkih takkek, kaa fan nee bey; usuk okaale elle geyna'kke neh warsam takkek» iyye.