Yasaqya 9:11 - NABUWWA KEE MALIKWA

¹¹ YALLI, Malik-Raaxin le naqboytit qeebi keenit abta'gidih bicat heeh; ken naqboytit keenit uguuguse.

Yasaqya 9:11 ပူးပေါင်းရင်းမြစ်များ

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 16:9

Malik Tiglat-Fileeser, Acad kaah ruube farmol, qaskar luk Damasko gaaduh yemeeteeh magaala qeebit raaqise. Sarrak woo magaalah mara Kiir baaxo fan seewah bee. Malik Raaxin qideh.

Yasaqya 10:4

Carbit ambaxe kee casbit yan marih innah seewah sin bee akkelon. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 28:1

Efrayimih yooboke maraw, kamri taaqube sakaareenow, able liton; woyyow axcetton. Amo elle miqiton magaala, qobooruk bicisen kalabtaay; elle kaxxiinittaanam teeti. Woyyow, teetit takku waytaamow! Niqmatak tan kayrih tan golok daga raqta magaala siinik birroh innah laqaymuumele. Qaxa liton bilqa litoonuh immay bayettoonum digga le.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 7:1

Qudiyyâ-Yootam baxay Malik Acad deqsitahiyya Yuudâ-rasul malikih yen dabaanal carbi rade. Suuriyah malikih suge Raaxin kee Israayil malikih suge Ramalyaahû-Fekac Yarusalaam magaala tabbixem faxxe. Takkay immay yabbixoonu yeffereenih.

Yasaqya 7:8

«Macaay inteenik, Suuriya tet inaytah magaalay Damasko deqsittak qandeh mataysaay; Damasko kaadu malik Raaxiinik qandeh mataysa. Israayil ummattah tu gactek, lactam kee koona sanatih addat, doolat wadirik akak akke waan niksoh annikisselon.