Yasaqya 8:19 - NABUWWA KEE MALIKWA

¹⁹ Takkay immay sahda, «Ramli qida mara kee kalluwalley tutuc intak xaagu aba» siinik intu wayta waqdi, isin, «Xaagu kalluwallek abtaanamak, Yallak macah abe waytan? Yan marih xaagu rabe marih roocik macah abtan?» 'yaanam keenik axcetton.

Yasaqya 8:19 ပူးပေါင်းရင်းမြစ်များ

2 Malikwa 1:3

Takkay immay YALLIH malaykatti Tisbâ-rasih nabih yen Eliyyasal amri oobiseeh, kaak iyyeemih, «Gexay Malik-Acadya farmoh ruube marat mataray, ‹Ekron-magaalal yaqbuden Baqal-Dabub fan macah gexxaanaah? Israayil-rasul Yalli mayanam maay takkalee?› keenik inxicaay,

2 Malikwa 21:6

Girat isi baxa sadgatah qide. Ramli-qidiyya kee sicri taamah haysiteeh; ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

2 Malikwa 23:24

Kaxxa seekih yen Cilkiyya YALLIH Qibaadah-Qaril gee kitaabal yan yab abinal akah asa'nnah, Yoosiyaahu Yuudâ-baaxo kee Yarusalaam addal sugga 'te ginnilitteey kalluwalleey faal-abeenit kee, buxah addat aqbuduk sugen duyye kee, wohuk kalah tan duyyey yaqbudeenihiyya kee, umâ-yabuli enni intaamak tu macabinnay inkih kale.

1 Aydaad 10:13

Saawul wonnah yan raba akah rabem, YALLAL faxxiimak yen imaan agaagul kaak yekkeemih rabe. YALLIH amri cineeh, YALLAL imaan haam hinna'mmay, rabe marih roocaaniyyal fayu esseraanam taamah haysite.

2 Aydaad 33:6

Girat isi lab-xaylo sadgatah Hinnom-Goloh addal qide. Ramli qidiyya kee sicri taamah haysiteeh, ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

Yasaqya 19:3

Masri marih mala foyya abeyyooh, niya keenik aggileyyo. Yalla 'yeenih yaqbudeenimil cato esserelon. Ginnili kee kalluwallel fayu essereloonuuh, rabe marih roocaaniyyak, ‹Maca neh taysee?› 'yaanam axcelon.

Yasaqya 26:14

Mayanin, alqo, boodo oobeeniih; Mayaduuran; kabrik muugutan. Ken digaalteh ken bayisse'kkal, aysa rooci keenil magaca. Ahak wadir ken kassam matan.

Yasaqya 29:4

Yarusalaam-magaala ramma axceleeh, tet xongolo kabrik addak tawqe xongoloh xaw aallele. Is maqar cabeleeh, siisah addak hunnuy inta xongoloh xaw xaawele.

Yasaqya 30:2

Anu faxam yoo essere'kal, Masri fan gexxan. Catoh Masri amoytal kibaal haysitteeniih kaa aleelitten.

Yasaqya 45:11

YALLAY sin gine siinik iyyam le. Israayil doore Dageltay kudduusuk yani iyyamaa: «Sarra takku waytam elle takke inna kee yi xayloh giddinaamak, num tu yoo essere waay. ‹Ah abaay woh ab› yok maxcina.

Yasaqya 47:12

«Sicriy qunxaaneey akke edde taqabak sugteeni macabinay aba. Tuk teena siinih xiqa kaa tekkek tableenih! Sinaamaay edde meysissaanam takkek, abak sugteenim macabina.

Yasaqya 47:13

Siinih yeceen *fayi, boola akke waytek, siinih xiqem mali. Ku cutuuka-beya siinih temeeteh sin waddek, ablenno. Cutuuka wagta mari xiqam siinih yellek, ablenno. Cutuuka-beya qaran fanah wagga haanaah, too waqdi ‹Woo alsat woh akkele; a alsat ah akkele› 'yaanam iyyan. Sin cutuk-beya siinit takku waytaamak sin cattek, ablenno.

Ermiyaas 10:10

Takkay immay YALLI numma Dagelta kinni. Waara Dagelti kaa; ambaxe sinni reeda le Malik kaa. Usuk bagcarrita saaku baaxo axaxittah. Kay naqabut koysita mari mayana.

Ermiyaas 27:9

Tonna leemiik, ama nabuwwa kinnino iyya maray isin nabuwwah litoonuhiyya kee, sarra takku waytam soonoh nuble iyya mara kee, ginnili kee kalluwalle kee ramli-qida siinik intam maabbina. Baabelon malikih gubat magacina siinik iyyaana'mmay, toh moggolina.

Miika 5:12

Ama sicrih xagarat liton duyye siinik kaleyyo. Sarra takku waytam warissa kalluwalle kee ginnili siinik bayseyyo» iyye.

1 Samuwel 28:11

Kalluwan le barra, «Hay, iyyah koh seeco?» kaak inte. Usukuuy, «Samuwelih yoh sec» teetik iyye.

1 Samuwel 28:16

Samuwel kaak iyyeemih, «YALLI koo cabeeh naqboyta kok yekkem teexegek, hay yoh macah secte?» kaak iyye.

1 Samuwel 28:7

Sarrak Saawul kay gubal yan marak, «Kalluwalle elle tani ikke yoh gorrisa; teetil gexeh fayu tet esseram faxak» iyye. Too mari, «Inki barra Endor deqsita aracal tan» kaak iyyen.

1 Samuwel 28:8

Too waqdi Saawul fooca isik qellissa heeh aki sarat gacca 'yeh, ditet isi marak namma num is lih hayya heeh, kalluwallel fayu essera'gidih gexe. Kalluwan le barrak, «Kalluwaanal fayu yoh esseraay, takku waytam yoh waris. Anu migaq akak xagu waa numih roocaaniyyah sec» iyye.