Yasaqya 8:18 - NABUWWA KEE MALIKWA

¹⁸ YALLI yoh yecee xaylo luk akkel aniyo. YALLAY Nabaamak Nabaah dardaarinni korsi Siyon-qaleh amol akak tanihiyya yoo kee yi xaylo Israayil ummatta fanah asta nakkuh nee ruube.

Yasaqya 8:18 ပူးပေါင်းရင်းမြစ်များ

1 Aydaad 23:25

Dawud iyyeemih, «YALLAY Israayil doore Dagelta kinnihiyya isi marah amaan yaceeh yaniih; YALLI Yarusalaamal isi marih addal isih ken lih anele.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 14:32

Filistiin rasuk farmo baaha maral maca gacsenno? YALLI Siyon-magaala xiseeh, kay ummattay xukko elle tanihiyya tokkel amaan geeloonum keenih warsenno.

Yasaqya 20:3

Asdood yibbixen saaku, YALLI iyyemii, «Yasaqyay yi naqasuh yanihiyya sidiica sanatah xagaral saro maliiy ibat kabella maliiy ibah gexe. Taham Masri kee Kuusut takku waytaamih asta.

Yasaqya 24:23

Sarra, YALLAY Nabaamak Nabahiyya reedele. Tohuk gexxaamah alsa kee ayrô-diifi amballayuk maraaqa. Too saaku YALLAY Nabaamak Nabahiyya Yarusalaam magaalal Siyon-qalel reedele. Yarusalaamal sugtu wayta makaabon too saaku kay nabna ablelon.

Yasaqya 53:10

YALLI tahak annah iyye; «A biyak kaat akah yekkem, yi fayxi kee yi raabiti. Usuk sahdah yekke fida, ummatah qafu baahele. Kaak radu waa mara ableleh; waarele, mangom sugele. Anu faxaah abam faxam, kay gabat bicseh abeyyo.

Yasaqya 7:16

Woo ayro tamaateemik naharat, woo uma'nnah sin meysiisa namma malikih baaxo sinaamak foyyah raaqele.

Yasaqya 7:3

YALLI, Yasaqyak iyyeemih, «Ku baxay Siir-Yasub deqsita gabat luk gexay Malik Acadat ongoorow. Daga raqta dorak bicsen caraatak obta lee edde taade aracay, «Sara kaqlisa marih Booxa» deqsita arac fan beya giti qaxal yanihiyyal, kaa geetto.

Yasaqya 8:3

Waqlaak wadir barra yok teedeqeh. Ni baxi yooboke saaku YALLI yok iyyeemih, «Xayuk-Ibbixa Sissikuk-Buuba» 'yaanamal kaa muggaaqis.

Ermiyaas 44:29

Yoo YALLI a baaxol siinit cabe wayu waam, elle taaxigoonu waytaama: malik Xidkiyay Yuudak malikih yenehiyya kaa niqibuk yen Baabelon malikih gabal elle hayya hee'nnal, a saaku kaadu, Masri malikiy migaaqah Malik Cofraq deqsitahiyya kaak naqboytiitih yan marih gabal heeyyo. Too maray kaa qidam faxahiyyah gabal kaa heeyyo. Sin digaalu waam, too waqdi yok aaxigetton. Toh sarra siinit takku waytaamak garci kaloot siinih akkele›, siinik iyyah yan, YALLI, hay» keenik iyye.

Yacedkel 12:6

Gexxa waqdi, sinam koo akah table innah, duyye sunkul hayyaay; baaxo akah able wayta innah, foocal gaba hayya haay, diteh addat gex. Tamah abta waqdi, tamah, Israayil maray koo yabalu waahiyyah garci-kaloot akkele» yok iyye.

Yacedkel 14:8

Usuk abaamal saduh anim kaa aybulleeyyo. YALLA kinniyom yok elle taaxigeeni'gidih, ummat addak kaa ayyaaqeyyo. Ta umaane kaat akah tekkem, Yallak yemeete cokmi kinnim, kulli mari aaxigeleeh; kaat tekkem missila akkele.

Yacedkel 4:3

Birtak bicsen buuti bahha haay is kee magaalak fanal gidaar innah soolis. Too waqdi magaala fanah ufkun. Tama magaalat maro heeloonu'mmay, ceelallo akak takkem koo. Taham Israayil marah asta akkele.

Zakariyya 3:8

Kaxxa sek kinnitok, ko'lih yaaba yab ankacca hay. Isin kaadu kaa'lih tan seekay ankacisa. Sarra takku wayta maqaaneh asta kinniton. Anu faxa taamah taamitu waa numuy migaaqah Dawud Luddal muggaaqisaanahiyya ruubeyyo.

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.