Yasaqya 8:17 - NABUWWA KEE MALIKWA

¹⁷ YALLI isi marak is yooqoreh immay anu niyak kaa aamineeh; niya elle liyom kaa.

Yasaqya 8:17 ပူးပေါင်းရင်းမြစ်များ

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 26:8

Ku gitat genxa waqdi, YALLAW, kibaal elle haynam koo, YALLAW. Amo-elle-meqinom koo, YALLAW. Fanxam ku massakaxxa, YALLAW.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 33:2

YALLAW, neh emeq. Ku maqaaneh qambaalat nan. Maaci elle maacisinnaanimil maqar net hay. Gadaaminna saaku nee cat.

Yasaqya 45:15

Israayil doore Dageltay ken wadehiyyaw, atu nummah is yaaqure Dagelta kinnito!

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Yasaqya 54:8

Dago waktih gide kaxxam kot bagcarriteeh darre kot cabeh suge'mmay, ahak wadir way koh maamay, koh nacruureyyooh, kulli way koo akcineyyo» 'yaanam kok iyyah yan. YALLAY koo wadahiyya tama'nnah kok iyya.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Yasaqya 59:2

Sin akah aabbe waam, isin abtan umaaneh sabbata. Sin Dageltak sin tayxeerem, isin abtan dambi.

Yasaqya 64:4

Dumî dabaanaak akke fanah, ku innah yan Dageltay kaal kibaal hee marah a xaqan le cato abahiyya tubleeh toobbem matan.

Yasaqya 64:6

Nakkeemik caraamuk yan mara nekke. Abba hayna meqe taama nek inkih, abicih tan saroh innah tan. Abnah nan dambik gexxaamah laqaymumma 'yeh kafe ayyuufay caacayat gexah gidek nan.

Yasaqya 64:7

Dooqa abeh kol yaduure num mayanaay, catoh ku fanah yamaate num mayana. Nek tomboqorreeh nanu abne dambih gabat nee bayisse.

Ermiyaas 33:5

Too qarwah adda yi bagcarra elle obte maray Baabelon mari selu waahiyyah raysak amaggele. Yoh tu gactek, yok catoh geyoonu waanam malon. Tet marih umaaneh, a magaalat ahaysa darre cabeh ikkal, yi cato mageyta.

Hosiqa 12:6

Tonna kinnuk Yallay sin Dagelta kinnihiyyal eemenaay kaal uduura. Yallak kalihim maqbudina; maqaane kee qadaalat le mara tika. Yallih cato tamaatem fanah, wonnah maxcinaay annah maxcinay kaa qambaala.

Miika 3:4

«YALLAL elle weqtoonu waytan wakti xayih, yemeeteh immay, too saaku YALLI too weeqa siinik moggola. Umâ-yabulih tanim abak sugteeniih, tohuk gexxaamah YALLI abtan dooqa siinik moggolaay darre siinit cabele» siinik axce.

Miika 7:7

Yoh tu gactek, anu YALLI abam YALLAK qambaaleyyo. Yi Dagelti yoo catelem aaxigeeh, kaa qambaaleyyo. Yi Dagelti yi yab aabbele» iyye.

Cabakkuk 2:3

Away koh warisu waam edde takku wayta ayro uxih taniimih sabbatah, uktubay sug. Takkay immay maxeeriiy, too ayro xayuk amaatele. Anu koo ayballayu waam nummah akkele. Raagelem akkaletto'mmay takkem fanah qambaalay sug. Udurra mabtaay, akkele» iyye.