Yasaqya 8:10 - NABUWWA KEE MALIKWA

¹⁰ Abtoonu waytaanamal malisa'mmay siinil mabicta. Faxxeenih gide yaabita'mmay toh inkih tu maxiqta. Macaay inteenik, Yalli ne'lih yan.

Yasaqya 8:10 ပူးပေါင်းရင်းမြစ်များ

2 Samuwel 15:31

Dawud, «Acitoofal Absalaam marat yengele» 'yaanam yoobbe waqdi, YALLA kallaceeh, iyyemii, «YALLAW, Acitoofal fayu foyya ab» iyye.

2 Samuwel 17:23

Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

2 Samuwel 17:4

Ta fayi Absalaam kee Israayil abbobtit inkih meqe-fayu ceele.

2 Malikwa 6:12

Keenik numuk teeni, «Yi malikow, woo numih qaxa num nek mayana'mmay, nabi Eliisaq atu isi buxah addal kinni way sirrih yabta yab Israayil-malikih warsa» iyye.

2 Aydaad 13:12

Qeebil Yalli isih nee miraaciseleeh; kay seeka qeebi sin lih abnu wayna waqdi, taaguru wayta *baanta taagure'gidih bical tan. Tanna'mmay Israayil ummatey, siinik axceemihii, YALLAY isin akak radden sin kaxxa abbobti doorehiyya lih qeebih abtaanam maduddaanak mataqabina» 'yaanam keenik iyye.

Yasaqya 14:27

YALLAY Nabaamak Nabahiyya taham abaamal gaba kaleeh; ummatta edde digaalu waa gaba fakeh immay, aham abe kaa kaltam matan.

Yasaqya 28:18

Sin kee rabi fanal yan qahdi bayele. Akeera lih hayten bici gaba kalele. Duufut sinam beya weeqayti yamaate way duufut sin beele.

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 43:5

Qagseh iyyemii; «Anu sin lih ani'mmay mameysitina. Ayrô-mawqa le kabul tan sin xaylo siinih gacseyyo; ayrô-culmak bahha sin heeh, sin baaxol tittal sin gacseyyo.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Yasaqya 8:8

Tohuk lakal Yuudâ-rasu fanah, sahda filla fanah yanxuqe weeqih innah, kullim duufut beyak amaatelon. Ammaanuwelow, too qaskar fakimit tan kaxxa galway baaxo inkih duddahiyya akkele» yok iyye.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Ermiyaas 42:11

Ahaysa akak meysitak sugtan Baabelon-malikik mameysitina. Anu sin lih ani'kkal siinil baaham mali› siinik iyyeeh;

Ermiyaas 46:28

Anu sin lih ani'mmay mameysitina. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ayyuqel 3:9

Kaadu qagseh iyyemii, «Taham baadal tan ummatah warisa. ‹Qeebih bical gaca. Qeebi abta gaadileh seeca. Qaskar gaaboosaay gaaduh uguta.

Caggay 1:13

Too waqdi YALLIH farmoytah yen nabi Caggay kay farmo ummattah warseeh, keenik iyyeemih: «YALLI siinik iyyaamah: ‹Anu sin lih aniih, yi taamay abtaanal siinik baxsime waamah xagana siinih cula› siinik iyyah yan» keenik iyye.

Yoosuwa 1:5

Tonna'mmay Yoosuwaw, atu addunyal tanim fan qeebil num kok mayaysaay; anu kaadu Muusa lih akah suge innah ko'lih aneyyo. Kok mabaxsimaay way koo macaba.