Yasaqya 7:8 - NABUWWA KEE MALIKWA

⁸ «Macaay inteenik, Suuriya tet inaytah magaalay Damasko deqsittak qandeh mataysaay; Damasko kaadu malik Raaxiinik qandeh mataysa. Israayil ummattah tu gactek, lactam kee koona sanatih addat, doolat wadirik akak akke waan niksoh annikisselon.

Yasaqya 7:8 ပူးပေါင်းရင်းမြစ်များ

2 Samuwel 8:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah agdayuk raaqe. Dawud qeebi elle abinnaan ikkel YALLI nasri kaah yecee.

Qedra 4:2

Too waqdi Darabbabel kee gulubwah saqolti fanah yemeeteeniih iyyeenimih, «Sin kee nee naqbudem inki Yalla. Assuuriyah malikih yen Isar-Caddon, dabaaqah akkel gacna'gidih, akke nee rubbu heemiiy akke fan, sin Dageltih-migaaqal sadgat abak sugne. Away kaadu Yallih Qibaadah-Qarih xisnel sin catnuh nemeete» iyyen.

Yasaqya 8:4

Yooboke awki ‹Yi inay› 'yaanam kee ‹Yi abbaw› 'yaanam afak ayyaaqe'kal yan saaku, Damasko kee Samaariyah mari edderra heem inkih Assuuriyah malik buubele» yok iyye.

Yasaqya 9:11

YALLI, Malik-Raaxin le naqboytit qeebi keenit abta'gidih bicat heeh; ken naqboytit keenit uguuguse.

Yasaqya 9:9

Israayil ummatta kee Samaariyah magaalal yan mari, kaxxiina kee anaani xagarat hayya heeh, «Kallak bicsen xisne tiddigilleh immay wokke xeetik bicsen xisne ciggiilisenno. Sublâ-cooxuk bicsen qarwa tiddigilleh immay, wokke nabam meqe sariidak bicsen qarwa ciggiilisenno» iyyaana'mmay, oson inkih takku waytam Yallih cokmi kinnim aaxigelon.

Ermiyaas 49:23

Damaskoh magaalah giddinaamak YALLI iyyem ah teeti. «Camat kee Arfad magaalal yan mari kaxxam cisabbootiyyat yaniih; too cisabbootiyyat akah yaniinim, uma xaagu yoobbeenimih sabbata. Edde yaniinim ankakkaqe kee cisabbootiyyak, mayaffoofan.

Yacedkel 27:18

Damaskoh mari kaadu badaaqat duyyet koh milaaguh (libaakih), Celbon rasul yooboke qinab caxah xaylok bicsen kamri kee, Saahar deqsita rasuk baahen illih xagor koh edde acayuk sugen.

Hosiqa 13:1

Dumah yan saaku Efrayimih yooboke mari yaaba waqdi, Israayilih yooboke mari meysih axaxitak suge. Amo qunuunusak ken fan wagitak sugen. Takkay immay Baqal akak iyyaanamih qibaadat gaceeniih, dambi lem baahen. Tohuk gexxaamah bayen.