Yasaqya 7:13 - NABUWWA KEE MALIKWA

¹³ Tohuk gexxaamah Yasaqya kaak iyyeemih, «Malik Dawuduk rade maraw, yok oobbeya! Labhâ-sabri waysissaanam meqem maay takkalen? Hay yi Dageltih sabri waysissaanam maay faxxan?

Yasaqya 7:13 ပူးပေါင်းရင်းမြစ်များ

2 Aydaad 21:7

Takkay immay YALLI, Dawuduk raaqe dardaarinni samad cabsiisam mafaxinna. Toh akah tekkemii, YALLI, Dawudukuu, «Ku reeda baxak baxal tabele ikkal bayya m'inta» 'yaanam axcuk tohul xagna kaah culeh yen.

Yasaqya 1:14

Alsi edde bile ayroh abtan qiid kee tangoorowen ayro abtan qiid siinik baguuk niqibyo. Isin edde assen qiid quuka yol yekkeh; ahak wadir annah tanim ablem maxiqa.

Yasaqya 1:24

Tonna'mmay YALLAY Nabaamak Nabahiyya, Israayil doore Dageltay Mulki le kinni. Kaay Goytah yani iyyam leh, «Yi naqboytiitey, ahaysa cane siinil gacseyyooh; tahak wadir taqabi yol matakkan.

Yasaqya 22:22

Dawud nasab le malikih gubal, yaabbeeh yaysaabbe num kaa abeyyo. Usuk iyyeeh usuk madqem, gersi mari maciggiila.

Yasaqya 25:1

YALLAW, yi Goyta kinnito. Litom muxxo le diggah ten. Dumaak elle malisse'nnal, ku diggay dudda lehiyyat, akke-waynuh tanim abte. Toh abaluk koo aynabeyyo; fayla kaadu koh abeyyo.

Yasaqya 43:24

Yi sabbatah, sadgat rubtaana'gidih qaydarus xaamah sin maballiyo; saqa yi sadgatah maqiditinnitoonuuy, xayti-qeerisan-suruyuk yoo ruffa mahanniton. Toh hinna'mmay isin abtaanah-tanin-dambi yol quuka yekke. Qellatay edde taniini yol taqabi yekke.

Yasaqya 63:10

Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

Yasaqya 7:12

Acad kaal gacseemih, «Asta yoo uybulluya maxcaay, YALLA maagirriba» iyye.

Yasaqya 7:2

Yuudâ-malikiy Dawuduk radehiyya Suuriyah qaskar Israayil rasih adda cultem yoobbe waqdi, kaa kee raqqa 'ye mari kaxxam cunxiteeh, caacay yasgayye caxah innah gacen.

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Ermiyaas 6:11

YALLAW, atu keenit akah bagcarritta'nnal, anu kaadu keenit bagcarritah an. Inni abbaxu maduuda» exce. Toh exce waqdi YALLI yok iyyeemih, «Yi naqabu beyay giti-addal yan urru kee furrayna elle gaabowte aracal cax. Baqala kee barra too bagcarrah duufut gexeleeh, idoolay bar nabahiyya kinni way akak macattinta.

Yacedkel 16:20

«Yoh xalte xaylok say-urru kee lab-urru xeet kee cooxuk bicsen duyyeh sadgatah tecee. Yol luk sugte imaan cabtem koo maxiqinnaay;

Yacedkel 16:47

Atu kaadu ken raat katatteeh; oson abak sugen uma taamat asse. Atu uma taama qimbissem qusba saaku'mmay, keeniy dumaak abak sugehiyyak lafissa hayte.

Yacedkel 34:18

Meqe qayso yakmeemih cayye waa illi siinit yan. Akme waamat taqqa 'teenih gexxan; sila le lee taaqubeeniih, isinnih aaqube waytan lee darraqossan.

Yacedkel 6:9

Seewah ken been baaxol anelon. Too saaku yoo kassa heelon. Too waqdi ken akah digaaleeh qaybik ken akah qidem, ken kalbiy gano lehiyya ubleeh, yoo cabba heenih xeet kee coox yaqbudeenim keenik ubleemih sabbat kinnim aaxigelon. Isinnih aben umaane kee, qaybik taniimiy edde sugeenihiyyak gexxaamah, isinni nabsi anqibelon.

Qaamus 3:13

YALLAY Nabaamak Naba Dagelta kinnihiyya iyyaamah, «Yaqkuubuk rade marah garci kala.

Malaaki 2:17

Qagseh kaadu keenik iyyeemih, «Yabtan yaabat YALLA taqbisseenih. «Too waqdi ‹Afak nanu YALLA mannal taqbisneeh?› intan. « ‹YALLI umeynit meqe mara yakkaleeh; keenit ruffu iyya› intan. Waqdik teena kaadu, ‹Yallay qadaalat leh akak iyyaanahiyya ankel yani?› intan» iyye.