Yasaqya 66:3 - NABUWWA KEE MALIKWA

³ «Sahda isih faxxem abbaasitta. Sadgatah saq qidaanam kee sahda qidaanam keenil inki gide. Anaqtu qidaanam kee kuti filla yaggileenimiiy, daro sadgatah baahaanam kee ceray qabala sadgatah caxaanam keenil inki gide. Qaydarus qeerisaanam kee, deedaltam yalla 'yeenih yaqbudeenim keenil inki gide. Yalla umâ-yabulih yan gital yaqbudeeniih, tohut ruffa iyyan.

Yasaqya 66:3 ပူးပေါင်းရင်းမြစ်များ

Yasaqya 44:19

Yaqbuden ceelo isi gabak bicsa mari, «Naqbude ceelo akak bicisna cooxuk garab girâ-bocoh haynaah, maaqo edde alasnaah; garabak kaadu yalla axcuk naqbude ceelo ninni gabak bicisna. Taham mannal takku bictaama? Boco naqbudem mannal takku bictaama?» 'yaanam axcuk, edde iyyan kas kee cubbi malon.

Yasaqya 53:6

Gitak hoxe illih innal nen. Gitak honxeh, makot genxe; ninnih fanxem abak sugne. Nakkeemiik, tikka 'nah gidek nel amaatuk ten digaalah, YALLI ni aftok kaa digaale. Nanu edde asneh sugne dambi YALLI kay amo yeyyeeqe.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Yasaqya 65:12

Sin ellecabo tah teeti: Uma rabay ableh uma rabettoonum raq lem hinna. Sugdi-gadda sin abeyyo; tamah siinil baahu waama. Taham siinil 'kah baahu waam, siinih seeceeh yok cinteeniih sin lih yaabeh aabbe cinten. Yok foocal umaanet assen; yi yab cinteenih uf inten. Anu faxe waa gitittet gexxeenih tohum dooritten» 'yaanam siinik iyye YALLI.

Yasaqya 65:2

Umaanek aduure cinaah uma-taamak aduure waah uma-gitat gexa maray deedal kee dirab kataatah, inkih tan ayroy dudda le ‹Yol ama› axcuk namma gaba keenih fidseh ‹Yol ama› exce.

Yasaqya 66:17

YALLI iyyaamah, «Isinni taahirroysak, taahiri akak iyyan bustaanih addat Yallih aftok duyye yaqbude marih ellecabo xayih. Oson keenik gudel yan num katayak, ceray-cado kee ikiqyô-cadooy, tonnah kaadu, aaminnaan maaqo yakmen. Sittat finqitelon.

Ermiyaas 6:20

Saba deqsita rasuk yoh bahtan qaydarusut anu maca waah? Hinnay kaadu, xer baaxok bahtan qibaadah-haan-sukutit faxam mayyu. Yoh bahtan sadgoota yi garil oggol siinih mali. Cado akak carrisan sadgatay yoh abtaanahiyya siinik mafaxa» 'yaanam siinik iyye.

Caggay 2:14

Caggay too way keenik iyyeemih, «Hay, tonnal, YALLI iyyaamah, ‹Ta maraa kee ken buqrek orba murti, tama taway siinih warisak suge ceelalloh gide. Tonna-kinnuk oson sadgat elle aban aracal sadgatah baahinnaan maaqo calaalak matanay; nadaasak taniih, caraamuk tan.

Makaabon 10:14

isin isinnih dooritten duyyeeyay taqbudeenihiyyal weeqa. Gadaama sin tabbixe way too duyyey taqbudeenihiyya sin cattay» keenik iyye.

Makaabon 21:25

Too dabaanal Israayil addal malik manannaay; tonna-leemiik kulli num isih faxem abbaasitak yen.

Makaabon 5:8

Israayil mari Yalla akke sinnim yuqbudeh; too saaku woo baaxol qeebi gace. Morootom alfi yakke Israayil marat gob kee macaxu gabat le num mananna.