Yasaqya 66:24 - NABUWWA KEE MALIKWA

²⁴ Qagseh, «Yamaatoonu waan saaku, yi yab cine marih raysa ablelon. Ken xagar takme xaariya, rabta xaariya hinnaay; ken takme gira mabarugta. Ken raysi ableh uma innah gacele» iyye.

Yasaqya 66:24 ပူးပေါင်းရင်းမြစ်များ

Yasaqya 1:28

Takkay immay YALLIH yab cina maray dambit asahiyya baysele. Kaa cabba hee mara selele.

Yasaqya 1:31

Caffaytu girat qidan way elle carara innal, cayla leela isinni uma-taamat cararele. Ta baatik num sin macata.

Yasaqya 14:11

‹Luk sugte nabna gaba kalteh; ku massakaxxah kirar aagaruk sugeeni'mmay, a saaku ah kooy akeera gexe mara lih tan. Bagul akak tanim xaariyaay; xagaral kok luultem, baaxô-xaariya› kaak axcelon.

Yasaqya 24:20

Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 34:10

Too gira bar kee laqoh habug axceleeh, daayiman qeerele. Adok adoh amma 'yaanam, tokkel dabaaqah num magaca; too gitak num magexa.

Yasaqya 34:3

Keeniy yusguudeenihiyyak lafa baaxot qidelon. Ken raysay baaxot qideenihiyya abicele. Qabal qaleelâ-baguk darah innah caxitele.

Yasaqya 48:22

«Umaane le mari amaan mageya» 'yaanam iyya YALLI.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 51:8

Macaay inteenik, toh siinik aba mari irimbi tokme saroh gideey, addak yonkomme mara. Yok geytoonu waytan wadi mayambaxaay, waara wadu; yok geytoonu waytan qadaalat, daayiman yan qadaalata» 'yaanam iyye.

Yasaqya 65:15

Anu dooreeh meexe mari, ‹Umaaney woo marat tekke siinit takkay› 'yaanam axcuk ceelalloh sin haysitelon. Yoo YALLAY Mulki lehiyya sin qideyyooh, sin seleyyo. Yi naqoosay yoo takdumek migaq keenik korse liyo.

Yasaqya 66:16

Addunyal eneyya iyya mara gira kee seefit digaalele. Mango mara keenik qidele.

Daaniyel 12:2

Mango maray rabeh yomoogoqeh sugehiyya ugteleeh wadir gacele. Garab keenik ambaxe sinni waarah waarele. Aki garabaay amurruqe sinni qaybi kee ilaq-gadda akkele.

Zakariyya 14:12

Yarusalaamat qeebi aba marat YALLI dalka ruubele. Rooci keenit anuk, arab kee cado keenik abicele. Namma inti elle tan aracal abiceleeh; arraaba afak addal keenik kafele.