Yasaqya 66:22 - NABUWWA KEE MALIKWA

²² «Qusba qaran kee baaxoy away abu waahiyya yi foocal digga luk elle tani'nnal, sin migaq kee siinik radu waa mari yi foocal digga baahele.

Yasaqya 66:22 ပူးပေါင်းရင်းမြစ်များ

Yasaqya 48:19

Ramad siinik mangah baddi afih qiddeh gide akkuk yen. Migaq siinik baye maraarinnaay, baye haak mananniyo» iyye.

Yasaqya 51:16

Qaran fidisak, baaxo elle solta rakiibo bicisak, Siyon-marak, ‹Isin yi mara kinnitoonu› axcuk, inni farmo afat siinik heeh inni gabat sin dacrise» 'yaanam iyye.

Yasaqya 53:10

YALLI tahak annah iyye; «A biyak kaat akah yekkem, yi fayxi kee yi raabiti. Usuk sahdah yekke fida, ummatah qafu baahele. Kaak radu waa mara ableleh; waarele, mangom sugele. Anu faxaah abam faxam, kay gabat bicseh abeyyo.

Yasaqya 56:5

addunyal xaylo siinik raqtaamak fula, sin migaq yi qarih addal sahda kassitak sugeleeh, yi marih addal migaq akak hawwensime waa mara akkettoonuuh, migaq siinik mahawwensima› 'yaanam iyya.

Yasaqya 59:21

YALLI qagseh iyyaamah, «Dambik toobite mara lih haa qahdi ah kaana: inni baritto kee inni Roocaaniyya kot haa. Tonna leemiik tahak wadir ellecaboh ayro fanah, kooy ku xaylo kee keenik radu waa mara kaadu yi baritto oggolettoonuh, barsetton. Taham intam yoo YALLA» iyyah yan.

Yasaqya 61:8

Macaay inteenik, yooy YALLAH yani qadaalat kicna. Cado akak carrisan sadgatak tu cabaanam niqibiyo. Liyoh an diggal inni ummattah galto gacseyyo; baye sinni qahdi ken lih heeyyo.

Yasaqya 61:9

Baadal tan ummattah addal, migaq le mara akkelon. Ken yable mari YALLIH barkat gee mara kinnoonum keenik aaxigelon.

Yasaqya 65:17

«Kakka hayisaay, oobbeya! Qusba qaran xisam faxa; qusba baaxo aklukem faxa. Ahak duma tekkeh sugtem makasan; cubbit tet mahan. Ahaysa hawwentimele.

Yasaqya 65:22

Oson isinnih xisen qarwa sinam im keenik matakka. Isinnih yubquren darooy yuysubuken caxah xaylo sinam im keenik matakka. Sinam nagri keenik mahaa. Qumri keenik caxah innah, waareleeh keenik sugele. Anu faxeeh doore mari, edde taamitak suggu 'yem akmelon; adoobitelon; edde ruffa axcuk sugelon.

Yasaqya 65:23

Cawal keenik mafoyyaata; abeenim foyya matakka. Macabaaritta, ken xaylo; anu barkat keenit heeyyo. Ken samad barkattoyseyyo.

Ermiyaas 33:20

«Bar kee laqo keenih eexege waktil akah yamaaten innah, qahdi ken lih heeh an. Too qahdiy bar kee laqoh heehiyya, baya qahdi hinna.

Ermiyaas 33:21

Too bis le qahdi Dawuduy yi naqasuh yanihiyya kee Leewih tooboke seeka lih heeh en. Toh kaadu macâ-qahdiiy inteenik, Dawuduk rade marak numuk teena malik abeyyo 'yaanamah qahdi culeeh, Leewih yooboke marak numuk teena sek abeyyo 'yaanamal qahdi culeh en. Ta qahdi baya qahdi hinna.

Xafanya 3:20

Sin maray fixixih yani le baaxo edde yaduure wakti, maxeeriiy, ahaysa xayih. Meqe manoh sin gacseyyo. Toh edde yakku waa wakti isin 'sinni intit abletton. Migaq akak yaabben maray, faylisaana sin abeyyo. Baadal inkih sin aabbelon. Tah intaah, tahamat yabtam, yoo YALLAY sin Dageltah tan» 'yaanam iyye Meqe Goyta.