Yasaqya 66:2 - NABUWWA KEE MALIKWA

² Ahim inkih anu innih gineeh, tonnal tekke. Takkay immay anu kiciyyom, rammitaah dambik toobita maray anu excem yok meysitak oggolahiyya.

Yasaqya 66:2 ပူးပေါင်းရင်းမြစ်များ

1 Malikwa 21:29

«Acab yoh elle rammita inna tubleh innaa? Yoh rammiteemih sabbatah, addunya bagul yanim fanah bala kaal moobisa. Takkay immay kay baxih waktil bala kay buxah maral oobiseyyo» iyye.

2 Malikwa 22:10

Tonna'mmay Cilkiyya yol yecee kitab gabat baaheeh, away gabat abbixe» kaak iyye. Sarrak kitaabal tanim fayya haak malikih yikriye.

2 Malikwa 22:11

Malik, Yallih-xinto elle tan kitab iyyam yoobbe waqdi, hagga 'yeh wariggah saro isik qanxise.

Qedra 10:3

Tanna kinnuk, taway ta agabuy ginnaaqot nabbixe kee keenit xalle xaylo buxak ninnik ken xiiriyennoomuh, Yallah qahdi cullay. Koo kee kok kalah yan maray Yallih amri yassakaxxehiyya aba nek axcinnaanim abenno. Yalla kinni ni Dageltih amri iyyam abenno.

Qedra 9:4

Bari radda 'yeh magrib waqla aban sadgatah sahda amma 'tam fan, tokkel elle wariggat sugeeh; Yalli marin baaxok yuduure mari abe dambik iyyeh sugem aaxaguk suge mari, ahak maca net akkeleh kaxxam cunxiteeniih; yol gaaboowen.

Yasaqya 40:26

Qaran fan gubaak wagitay; qaraanal tablen cutuuka, gintem iyya siinit celta? Cutuk beytaah, miraacissam ken gine Dagelta kinni. Loowo keenik takkeh gide yaaxigeeh, keenik diggi haa. Migaq keenik tiya-tiyah yaaxigeeh, keenik digga haa. Migaq keenik tiya-tiyah yaaxigeeh, ken mawaagisa; too migaaqal keenih seeca. Yallih qande waado mali. Cayla-li kinnuk Dagelti qaran cutuk faxeh gide, loowo kee mangah yakke way, ken yaaxige; tiyah-tiyah. Kaak mabayan; digga ken haa.

Yasaqya 41:20

Taham YALLIH gabat tekkeeh; taham duudusseeh, gintem Israayil doore Dageltay kudduusuk yanihiyya kinnim woo masaakiina ubullaay cubbussa haan waqdi, aaxigeloonuh, edde radelon» 'yaanam iyye.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Yasaqya 61:1

Masaakiinah yayse-xaagu warsa'gidih YALLAY Mulki le yoo dooreh isi Roocaaniyya yot hee. Tonna luk niya akak tiddigille mara niya haa'gidiiy seewah been marak curri aba'gidiiy casbit yan mara casbik ayyaaquuy YALLI yoo dooreeh farmoh yoo ruube.

Yasaqya 66:5

YALLI iyyem kaak meysitak oggola maraw, YALLI siinik iyyam ankacisa. Siinik iyyaamah: «Isin imaan yol litoonumih sabbatah, sin marak garab sin yanqibeeh, agle siinik cina. Siinil anqaaseenih, ‹Siiniy yafrice nable'gidih, YALLI isi nabna yuybulleeh sin catay› siinik iyyan. Takkay immay oson isinnih qaybit radelon» 'yaanam iyyah yan.

Hosiqa 11:10

Anu lubak innah xongolu waa waqdi, yi mari axaxitak ayrô-culmaak yoo fanah amaatele.

Miika 6:8

YALLI meqeemiy abtaanahiyya siinih warseh. Toh macaay inteenik, qadaalat le taamah taamittaanam siinik faxa. Aggiriqe sinni kacanu taalleenim siinik faxa. Rammitta inteenih Yalla kinni sin Dageltih gita kataata mara takkeenim siinik faxa.

Cabakkuk 3:16

Tah oobbe way yi Dageltaw, axaxiteeh, kumkummateh. Sokaati yok axaxitteh; ibi yok kadiidimiteh; ariiqo yok axaxitteh. Nel umaane baaha mara, neh digaalla haytam fanah, asbireyyooh, qambaaleyyo.