Yasaqya 66:19 - NABUWWA KEE MALIKWA

¹⁹ Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Yasaqya 66:19 ပူးပေါင်းရင်းမြစ်များ

1 Aydaad 1:11

Masrik rade mari, Luudaay Qanamaay Lahabaay Naftucuuy

1 Aydaad 1:7

Yaawan xaylo Aliisaay, Tarsisiiy Kittim kee Rodaanim deqsitak ten.

1 Aydaad 16:24

Usuk le nabnat yaabay warisa. Kay kaxxa abto kulli marat qida.

Yasaqya 11:12

Yalli, asta-yakku-waa-qalam baadal-tan-ummattah heeleeh; Israayil kee Yuudâ-maray fixixeh sugehiyya baadak affara kaalibik gaaboysele.

Yasaqya 18:3

Baaxô-bagul yan maraw ankacisa! Qaleh amol qalaamat ugsoonu waan waqdi wagita! Baanta yaaguroonu waan waqdi oobbeya!

Yasaqya 18:7

Toh tekke saaku, weeqaytitte adda akak radde baaxo le maray qande le doolat leeh, tonnah kaadu, xeeriih xagar arab akak xamciniih addunyal inkih akak meysitaanahiyya, YALLAY Nabaamak Nabahiyyah acwa baahelon. Woo mattaco Siyon-qaley YALLAY Nabaamak Naba elle yaqbudeenihiyya fan baahelon.

Yasaqya 2:16

Kaxxa nabna kee qaxa le maraakib finqisele.

Yasaqya 29:24

Too saaku yab ayti akak cule waak sugte hawri-maleela yaabat radele; bagi cubbi geelon. Kulli way ceele-wayto baahak suge mari meqem bartele» iyyah yan.

Yasaqya 42:12

Xer rasul yan mari YALLA faylisaay kaa yaynabay; YALLA saarisaay kaa yaynabay.

Yasaqya 42:4

«Inkih yan baadal qadaalat nookisaah daabisam fanah, kay niya mataddigila; way madaacta, mabaxaqta. Allahî-mari kinni-way, kay afak tawqe baritto geyoonu qambaalitelon» iyye.

Yasaqya 43:6

Kiblat le kabu marak, ‹Ken maxaginay gexoonay ken inxica› axceyyo. Gabbi-qaxat raaqa marak, ‹Gexe ken makalina› axceyyo. Inni xaylo xer-baaxoy elle yaniinik gacseyyo.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Yasaqya 49:12

Yi ummatta xer rasuk amaatele. Garab kilbat le kabuk amaateleeh, garab ayrô-culma le kabuk amaatele. Garab kaadu gabbi-qaxak Sinim deqsita aracak amaatele» iyye.

Yasaqya 49:22

YALLAY Mulki le isi marak iyyamaa, «Doolatwa fan gaba caseyyo. Elle yaaxigeeni'gidih, inni qalaamat ken aybulleeyyo. Sin xaylo sin baaxo fanah gacseloonuuh; lab-xaylo siinik aliilit baahelon; say-xaylo kaadu sunkut baahelon.

Yasaqya 51:5

Xayuk keenih amaateyyooh ken wadeyyo. Inni gabat qadaalat keenih baaheyyo. Allî-baaxoh mari niya yol haak sugele; yi gaba qambaalat sugelon.

Yasaqya 52:10

Baadal tan ummatta inkih, YALLI isi gabay taahirik tanit abe taama isinni intit yubleenih; baadal enna 'ya mari, Yalli isi ummatta umaanek wadem aaxigele.

Yasaqya 52:15

Toh tekke waqdi yi naqsi mango baaxol tan ummatta yoo yaqbudoonuh rifele. Amoytitte kaa table way, qangara afak mayayyaaqan. Able weeniih, aabbe weenim, maqna akak aaxige weenim, aaxigelon; asmitelon; ahak sarra edde radelon.

Yasaqya 55:5

Wagitey! Israayil doore Dageltay kudduusuk yanihiyya migaq kee nabna kum abeemih sabbatah, koo aaxaguk suge wee marah koo fan edde yamaateeni'gidih amri ruubettooh; too mari koo fan arduk amaatele. Tamah abtu waytam, yoo YALLAY ku Dagelta kinnihiyya» iyye.

Yasaqya 60:9

Aham xer baaxok yamaate maraakibi; a maraakib, yi xaylo edde tan maraakibi. Israayil doore Dageltay *kudduusuk yanih migaaqih nabnah baahen dahab kee lakqo a maraakibih addat tan. Tah akah abaanam, yoo ku Dagelti nabna kot heemih sabbata. Macaay intek, allî-baaxoh mari yoo qambaalita» 'yaanam YALLI Yarusalaamak iyyah yan.

Yasaqya 62:10

Magaalah afoofik eweqa; magaala fan yaduure marah gita bicisa. Gita nagay bicisaay xeet akak kala. Asta-yakku-waa-qalam baadal-tan-ummattah haysita.

Yasaqya 65:1

«Yoo fanah wagte waa marah inni aybulluyuh bical en. Yoo gorrise waak yen mari yoo geeh; keenih anu umbulleeh. Yi migaq ugse waa ummattak, ‹Ah yooy, ah yoo› 'yaanam exce.

Yacedkel 27:10

Fursi kee Liidiya kee Liibiyak amma 'ye mari ku qaskarah yenen. Gob kee amot haan birta ku qaskarih aracal daanat yabbixen. A mari, migaq kok fayya haa mara kinni.

Yacedkel 27:13

Giriik mara kee Tuubal kee Mesek yemeete marat kaadu tellemmô duyye kalak sugte. Too marak naqoosa kee nacaasak bicsen duyye beyya hayteh, woo duyyeh milaaguh (libaakih) tellemmô duyye keenih acayuk sugte.

Yacedkel 30:5

Too qeebit, Kuus kee Liibiyaay, Liidiyaay Qarab kee Kuub deqsita rasuk kirah baaheenih sugen qaskar rabele. Masri lih bica abe mari too qeebit rabele› 'yaanam inxic» iyye.

Yacedkel 32:26

«Meesek kee Tuubal ummat kaadu, ken qaskarih kabaara maroh keenit taniih, wokkel yanin. Oson diini-maleelah sugeenih; addunyal yenen saaku sahda akak cunxitta marah sugeenimih sabbatah, edde rabeenim carbi.

Yacedkel 39:1

Yalli kaadu yok iyyeemih, «Bani-adantow, Goog abina ilaaqaay, kaat takku waytaamat yab. Kaak intaamah, ‹YALLAY Mulki lehiyya kok iyyaamah, Mesek kee Tuubal deqsitta namma kedoh abbah yan Googow, anu naqboyta kok ekkeh an.

Yacedkel 39:6

«Magoog rasu kee baddi afal amaanah xinta ummat elle tan rasut gira ruubeyyo. Too saaku anu YALLA kinniyom kulli num yok aaxigele.

Daaniyel 11:18

Tohuk lakal baddaafal tan baaxooxal yan marat qeebi abeleeh, mango marak keenik aysele. Takkay immay aki baaxok yemeete makaabanti kaak ayseleeh; luk suge kaxxiinat kaa macaba. Too num sinaamat abak suge kaxxiinak gexxaamah, sinam kaal akah kaxxiinitta'nna kaak abele.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Xafanya 3:10

Kuus-rasuy xeerihiyya fan yinkiliqeh suge yi mari sadgat yoh abeleeh yol xaaqimele.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.