Yasaqya 66:15 - NABUWWA KEE MALIKWA

¹⁵ Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Yasaqya 66:15 ပူးပေါင်းရင်းမြစ်များ

Yasaqya 10:17

Yallay Israayil ifuh yani girah innah akkele. Israayil doore Dageltay *kudduusuk yanihiyya habug inta giray inki ayroh addat eqeb kee sibaasib cararissa akkele.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 30:30

YALLI, isi xongoloy kaxxa nabna lehiyya akah tantaabbe innah abele. Kay bagcarra qandek leh gide ablelon. Yallih-cayli habug inta giraay; kaxxa rob kee kaxxa caaco kee, tonnah kaadu, kaxxa arroqleh gurral amaatele.

Yasaqya 30:33

Assuuriyah malikih raysi edde carara'gidih, kaxxa gira dumaak bical sugte. Ta arac, kaxxa adda leeh baar le araca. Mango boco sittin bagul akak heen araca. YALLI isi ufuy urta *danih innah habug iyyahiyya too bocot ruubele.

Yasaqya 31:9

Ken malikiy ken dacayrih yene cunxot bayele. Carbi-abbobti meysik gexxaamah, carbi qalaamatih sinbil baaxot qideenih cabelon. Ahat yabtam, yoo YALLAY Siyon-qaleh amol solal girah innah urahiyya.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 5:28

Gayse kee gaysê-xaylo qeebi edde aboonuh bical tan. Gaysê-xaylo keenik af le. Ken faariisih ibitte gibdah qado-xeetih inna le. Ken faariisa beyta gaariira qaana fuluk haak tamaate.

Yasaqya 51:20

Xaylo siinik xagar-boolah kulli gitih addal yannikisseenih, qangalaalat yanin. YALLI keenit aba bagcarrah sabbatah, oflot yibbixen sageerih innah raden.

Ermiyaas 25:37

YALLIH naqbi baaxo keenik bayseeh finqa abe. Amaanah elle sugen baaxo abur abe.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Ermiyaas 4:3

YALLI Yuuda-kee-Yarusalaam-marak iyyaamah, «Abqure wayten baaxo ubqura. Dariyyu keenan-le-baaxoh bagul maqidina.

Ermiyaas 46:15

Kaxxa yallah luk sugten Afis migaq le awur akah kudem macaay? Afah akah radem macaay? YALLI kaa yootoke.

Yacedkel 38:17

YALLAY Mulki lehiyya iyyeemih, «Atu, dumaak Israayilih tooboke inni nabuwwah afat, wakti gufa saaku Israayil marat qeebi aba num ruubeyyo akak exceh suge num kinnito» iyye.

Yacedkel 5:15

«Yi naqabu kee bala siinil obtam yableeh anu sin digaalam yable mari, siinik sakkiteleeh; sahda bursuttaah anqaasah elle rabta mara akketton. Siinit tekkem gersi marah sarrah kas akkele.

Daaniyel 11:40

« ‹Ellecabô-wakti xayyoowa waqdi, Masri malik qeebi kaat abeleeh, too waqdi Suuriyah malik gaariira kee faariisa kee mango maraakib haysitta heeh kaa'lih aamele. Mango baaxo weeqi'nnah duufut beyak wararele.

Daaniyel 7:10

Muxxa giray weeqi innah caxittahiyya kay foocal caxitak ten. Tokkel alfitte yakke mari kaah taamitak yen. Mangah loowo akak amixxige wayta mari kay foocal soolak kaah taamitak yen. Too waqdi cokmi buxal daffeyna tekkeeh kitooba fakeenih.

Hosiqa 8:7

Umaane yaysubukeenih, kaxxa umaane ken geele. Orbise ween darok gaqambo mabicsan. Daro orbiseenih gaqambo akak bicseenik, marin baaxoh marih gadda keenik akkele.

Qaamus 7:4

«Tohuk kalah kaadu gersi sirri yoo yuybulle. Too saaku kaadu ublemii, YALLAY Mulki le ummat girat digaala'gidih bicat yanim uble. Too gira baaxok guba raaqa kaxxa bad akamih uble. Too badak gaba kalte waqdi baaxo kaadu cararisah uble.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Cabakkuk 3:8

YALLAW, nasri geysissa'gid farasah qambur luk sugte. Macâ sabbatah tinqibeh? Weeqaytu faxe waak sugtee? Badak waagissem luk sugtee?

Zakariyya 6:1

Tohuk lakal kaadu gersi wacyi yoh yumbulle. Namma qaley nacaasak bicseenihiyyak fan fan, affara faras-gaariy tamaatehiyya uble.