Yasaqya 66:14 - NABUWWA KEE MALIKWA

¹⁴ Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Yasaqya 66:14 ပူးပေါင်းရင်းမြစ်များ

Qedra 8:18

Yalla kinni ni Dagelti nee cateemih taagah, Sereebiya deqsita numuy Leewî kedok Macli deqsita gulubuh gacisak yeneeh, isi taamal dudda luk yenehiyya, xaylo kee tooboko fanal sittat taban kee bacra num akkuk ruuben.

Qedra 8:22

Kaadu keenik exceemih, «Anu dumah yan saaku Malikik, ‹Ni Dagelti isil yaamine marat barkat haah, darre isit caba mara fan mawagitaay, ken digaalah› 'yaanam exceh sugeemih sabbatah, sarra qaskaray faaris amok qeebi abtahiyya gital umeynitik nee dacrissa'gidih ‹Neh ucuya› 'yaanam, malikik axcem wacarriy yol tekke» exce.

Qedra 8:31

Sanatak inikhaytoh alsak taban kee nammeyhaytoh ayro Acawâ-Dora deqsita dorak ugunneeh, Yarusalaam fan haysinne. Safaral ni Dagelti ne'lih yeneeh, naqboytit kee gital raarisak sugta umeynitik nee cate.

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 13:5

Inkih yan baad baysaana'gidih, YALLA kee, isi bagcarra gabat le qaskar baad edde yaadiye xer baaxok yamaaten.

Yasaqya 26:19

«Ku marak rabtem anuwwele; ken xagaral rooci gacele. Kabri culteeh diiko nagartem anuwweeleeh, qilila abele. Kafte qayso naafi doogisaah, Yalli rabtem tonnal doogise.

Yasaqya 26:20

«Yi ummatey, buxah addah cula; qarwak afa isinnit alifa. Yalli naqabuk xamacam fan dago gide kaak ombooqora.

Yasaqya 30:27

YALLI allak yambullee. Kay naqbi habug inta girah bis leeh; woo girak kaxxa qeeriy datahiyya yawqe. Kay afak yawqe yab habug inta giray sahda takmehiyyah bis le.

Yasaqya 33:20

Siyon-qaley qiidih elle asak nenehiyya wagitay; Yarusalaam magaalay qiidih elle asak nenehiyya wagitay. Yarusalaamay amaanak tanihiyya namma inti siinik ablele. Yarusalaam, siraaqay elle daabisan ikkek kate waahiyya kinni. Tet akat mayaggiriqaay masalaca.

Yasaqya 34:2

YALLI kulli baaxoh doolata'lih qeebih yan. Kay bagcarra yakkeenimiik keenil oobeleeh, ken bayselem keenil yuckumeh yan; ken marih-qidimih bical yan.

Yasaqya 35:2

Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

Yasaqya 41:20

Taham YALLIH gabat tekkeeh; taham duudusseeh, gintem Israayil doore Dageltay kudduusuk yanihiyya kinnim woo masaakiina ubullaay cubbussa haan waqdi, aaxigeloonuh, edde radelon» 'yaanam iyye.

Yasaqya 42:13

YALLI, celem gaaduh elle gexa'nnal, gaaduh gexele. Carbih gexa num elle gexa'nnal, bagcarritak gexele. Qeebih tirtirisak naqboytiitik aysele.

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

Yasaqya 59:18

Kullim cakki-gitah gacseleeh, sahdal baahen umaaneh sahda digaalele. Kay naqboytit abba heen umaaneh digaalele; xer baaxol yan mara kinni way digaalele.

Yasaqya 66:5

YALLI iyyem kaak meysitak oggola maraw, YALLI siinik iyyam ankacisa. Siinik iyyaamah: «Isin imaan yol litoonumih sabbatah, sin marak garab sin yanqibeeh, agle siinik cina. Siinil anqaaseenih, ‹Siiniy yafrice nable'gidih, YALLI isi nabna yuybulleeh sin catay› siinik iyyan. Takkay immay oson isinnih qaybit radelon» 'yaanam iyyah yan.

Zakariyya 10:7

Israayil mari carbil celeema akkele. Qinabak bicsen kamri yooqobe marih innah farcaanak gacelon. Keenik rade mari taham kassiteleeh; too waqdi YALLI ken kaxxa abbobtih xiqem kassitak ruffu axcelon.

Malaaki 3:18

Tonnal anu uma maray yi yab cinahiyya kee meqe maray anu aba axcem abahiyya tittak ken elle baxsa'nna abletton» iyye.