Yasaqya 65:23 - NABUWWA KEE MALIKWA

²³ Cawal keenik mafoyyaata; abeenim foyya matakka. Macabaaritta, ken xaylo; anu barkat keenit heeyyo. Ken samad barkattoyseyyo.

Yasaqya 65:23 ပူးပေါင်းရင်းမြစ်များ

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Yasaqya 49:4

Anu yaabeh, annah exce, «Taamiteh immay, yi taama, foyya tekkeeh, boolatteh tan. Dudda haam akah taqbe'mmay, bicsem mayyu; duudem mayyu. Yot tekkeemih yi Dagelti yoh hawselem kaak aaxigeh. Anu edde aseeh abe taamal, kay galto geeyyom digga le. YALLA akah aaminem tohu.

Yasaqya 55:2

Sin cayise waytaamat lakqo macah finqissan? Satqat akak raqtoonu waytaanamat geytan duyye mabaysina. Yi yab oobbeyaay anu siinik axcem aba; tonnal kulliimik tayse maaqoy niya siinik ruffu edde inta geetton.

Yasaqya 61:9

Baadal tan ummattah addal, migaq le mara akkelon. Ken yable mari YALLIH barkat gee mara kinnoonum keenik aaxigelon.

Yasaqya 66:22

«Qusba qaran kee baaxoy away abu waahiyya yi foocal digga luk elle tani'nnal, sin migaq kee siinik radu waa mari yi foocal digga baahele.

Yacedkel 36:29

Nadaasa sin abba haytaamak, innih sin waaseyyo. Qulul sin akah gee waa innah, daro siinih tamaggay axceyyo.

Caggay 1:6

Buqreh mango daro qiddaanah, dagoom akak orbissan. Maaqo buxal allih, cayya akak mantan. Qinabak bicsen kamri geytaanah immay akak cayya mantan. Sartan litoonuh immay woo sartan waacak sin macata. Taamittaanah immay akak geytan lakqo booha lee giibit gacteh gide.

Caggay 2:19

Darok raqtem ane waytaah, qinab xala cooxuk raqtem ane waytaah, rummaana kee *daytuun kee *subla coox ahayduma xaylo xaleh suge waamah, ahak wadir barkat siinit heeyyooh, sin gaddaliseyyo» iyye.

Malaaki 3:10

Away yi Qibaadah-Qaril niqmat akah yamagge innah, dakaatak tu cabe'kal baahaay, Qibaadâ-Qaril hayisa. Too duyye Qibaadâ-Qari bahteenik, qaran afoofi fakka heeh, amqinnaan niqmatay qadad sinni siinih ruubeyyom able liton. Toh siinik intam yoo YALLAY Nabaamak Nabahiyya.