Yasaqya 65:19 - NABUWWA KEE MALIKWA

¹⁹ Yarsalaam akcine liyo; inni marat ruffa axceyyo. Tahaysa weeqi mayakka; tet addal booge matakka; matantabbaay num mayabba.

Yasaqya 65:19 ပူးပေါင်းရင်းမြစ်များ

Yasaqya 30:19

Isin Yarusalaamal yan marak ahaysa ruffa inteenih maweqtan. Yalla kallactan waqdi, siinih amqeleeh; cato kaal essertan waqdi, sin catele.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 51:11

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Yasaqya 60:20

Rooka gaba kok edde kalta wakti amaatele. Yoo YALLI way baruge sinni ifu koh akkele; ayro kee alsah ifuk fula koh ifisak sugeyyo.

Ermiyaas 31:12

Siyon qaleh amol farcatah qililisak saare abelon. YALLI keenih yacayu waa niqmat assakootelon. Baaxo keenik darooy, qinabak bicsen kamriiy, *daytuun zeytiiy (saliidiiy), illi kee laak amaggele. Too barkat keenit heeleeh; tohum assakootelon. Leek nagay yefqen bustaanih ceelot gacelon. Tahak wadir cisabbootiyyi keenik gaba kalele.

Ermiyaas 32:41

Keenih aba maqaane ruffu yoo heele. A rasuk way akah aarre waan innah, nagay yan daabisiyya keenit abeyyo. Tahamaay, keenih liyoh an xuwaawah abu waama.

Yacedkel 36:15

Tahak wadir a baaxo ummat makot mabeytaay; sahda anqaasah elle rabtaah, ummat burah af elle raqeeqissa baaxo matakka. Tahat yabtam yoo YALLAY Mulki lehiyya» iyye.

Xafanya 3:15

Aysa siinil tan digaala YALLI siinik kalla hee; naqboytit siinik kalla hee. YALLI sin amoyta kinni; Israayil ummat waklisa. Ahaysa akak cunxittaanam matan; sin fanat maraqta.

Xafanya 3:17

YALLAY ku Dagelta kinni ko'lih yaniih, koo waklisa. Yallih cayla nasri geetton. YALLI sin assakootele. YALLI siinih le kacanuh, qusba manoh xiine liton. Ummat qiidit tassa elle intaah, wallitak ruffa elle inta'nnal, YALLI siinih le kacanuh, qililisak, tassa axcele. YALLI siinik iyyaamahaa: «Aysa baati sin mageyta; ahaysa qaybik maraddan.

Zakariyya 2:10

YALLI iyyeemih, «Yarusalaam maraw, qililisay ifrica. Anu sin lih gacuh amaateh an.