Yasaqya 64:8 - NABUWWA KEE MALIKWA

⁸ Takkay immay YALLAW, atu nek abba kinnito. Nanu kallaay; atu kallak buuti bicsa numih bis lito; nakkeemik ku gabah taama kinnino.

Yasaqya 64:8 ပူးပေါင်းရင်းမြစ်များ

Yasaqya 19:25

YALLAY Nabaamak Nabahiyya barkat keenit heeleeh, keenik iyyu waamah, «Masri maraw, yi mara kinnitoonuuh; Assuuriyah maraw, yi gabah taama kinniton. Israayil maraw, isin kaadu yi ikoyta kinniton» keenik axceleeh, barkat keenit heele.

Yasaqya 29:16

Sugtem deerik afah korissaanam faxxan! Kallak buuti bicse num kee, kallak bicsen buuti inkim celsissan. Buuti is bicse numuk, «Yoo mabicisinna. Isi gabak yoo maabinna» iyyam bictaa? Woh iyyaamih dudda maay le? Buuti, gabak is bicse numuk, «Woh tu yaaxige num hinna!» iyyam maay duudaa? Maduuda.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 43:7

Yi migaaqal yaaxigen maray anu uklukeeh yoo yaynabeeni'gidih akah ginehiyya inkih gacseyyo» iyye.

Yasaqya 44:21

YALLI iyyemii: «Israayil ummatey, yi naqoosa kinnitoonuk, aham inkih kassitak, yoo mahawweenina. Yi taamat gactaana'gidih sin gineeh; yi naqoosa kinniton. Tonna leemiik, Israayil ummatey, sin mahawweena.

Yasaqya 44:24

YALLAY qimbol sin gineeh sin wadehiyya kaadu iyyemii: «YALLI yooy; kullim tuklukem yoo. Mango qaran fidissem dibuk yoo. Baaxo gine saaku num yo'lih masuginna.

Yasaqya 45:11

YALLAY sin gine siinik iyyam le. Israayil doore Dageltay kudduusuk yani iyyamaa: «Sarra takku waytam elle takke inna kee yi xayloh giddinaamak, num tu yoo essere waay. ‹Ah abaay woh ab› yok maxcina.

Yasaqya 45:9

Gabak bicsen buuti, kaa bicse num giddiyam duudaa? «Yoo bicse num yaaxigem mali» iyyam bictaa? Toh bictam hinna. Hay toh bictam akke waytek, is gine Dagelta lih daqwat aba numow, kum tekkem ixig.

Yasaqya 57:16

Tonnal ahak wadir keenik tu mawaay, ahaysa naqabut ken lih maraaqa. Kulli waqdi tu keenik week, sinam boolaateleeh, niya keenik rabele.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 63:16

Ni abba koo. Ni kaxxa abbobti Abraahim kee Israayil nee maaxaginna. Takkay immay YALLAW, ni abbay kulli way nee wada kinnito.

Yasaqya 63:8

YALLI, «Oson yi maraay; yi xayloy yoo make wayta kinnon» iyyeeh, tonna leemiik ken wadeena yekke.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Ermiyaas 31:9

Namma intik ximo keenik amaatuk aduurelon. Anu ken miraacisa way dooqa abak amaatelon. Gitah darah gexxa leek xaqut-xaqut ken beeyyo. Saytun gitay adaf sinnihiyyat ken beeyyo. Toh keenih akah abu waam, Israayil marak abba kinniyooh; Efrayim yol naharsi-baxih gide» 'yaanam iyye.

Hosiqa 1:10

YALLI iyyeemih, «Takkay immay Israayil mari loowo akak duudume waytah gide akkeloonuuh; mangah baddi-afih qiddeh gide akkelon. Anu, ‹Yi mara hinniton› keenik elle exce ikkel, wadir inni mara ken abeyyooh, Yallay waarahiyyah xaylo akkelon.

Malaaki 2:10

Malaaki iyyeemih, «Ni Abbay nee doorehiyya inki Dagelta akke maay waa? Nanu inkih inki abba linom neexegek, hay, innem tittal akah maknam macaay? Toh abna waqdi, Yalli ni kaxxa abbobti lih abe xagana makna.