Yasaqya 64:7 - NABUWWA KEE MALIKWA

⁷ Dooqa abeh kol yaduure num mayanaay, catoh ku fanah yamaate num mayana. Nek tomboqorreeh nanu abne dambih gabat nee bayisse.

Yasaqya 64:7 ပူးပေါင်းရင်းမြစ်များ

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 27:5

Toh hinna'mmay yoo wadbiteenik, yo'lih bica mara yakkoonay; yo'lih bica mara yakkoonay› 'yaanam YALLI keenik axcele.

Yasaqya 45:9

Gabak bicsen buuti, kaa bicse num giddiyam duudaa? «Yoo bicse num yaaxigem mali» iyyam bictaa? Toh bictam hinna. Hay toh bictam akke waytek, is gine Dagelta lih daqwat aba numow, kum tekkem ixig.

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Yasaqya 54:8

Dago waktih gide kaxxam kot bagcarriteeh darre kot cabeh suge'mmay, ahak wadir way koh maamay, koh nacruureyyooh, kulli way koo akcineyyo» 'yaanam kok iyyah yan. YALLAY koo wadahiyya tama'nnah kok iyya.

Yasaqya 56:4

Macaay inteenik, YALLI, seelabu le marak iyyaamah, «Sabti ayroy yoo edde yaqbuden ayro kinni tessekexxeeniih, yoo ruffa haytam abteeniih yi qahdil diggi inteenik,

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Yasaqya 59:16

Tohuk ken cata num ane waam yuble waqdi, kaal faxe-waynaan tekke. Tonna leemiik isi-qadaalatay maqar let, YALLI isi gabat ken wade.

Yasaqya 59:2

Sin akah aabbe waam, isin abtan umaaneh sabbata. Sin Dageltak sin tayxeerem, isin abtan dambi.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Yasaqya 63:16

Ni abba koo. Ni kaxxa abbobti Abraahim kee Israayil nee maaxaginna. Takkay immay YALLAW, ni abbay kulli way nee wada kinnito.

Ermiyaas 9:7

Tohih sabbatah YALLAY Nabaamak Nabahiyya iyyaamah: «Birta girat elle yagirriben innal, anu inni mara agirribeyyo. Yakken mara keenik ableyyo. Yi mari aba dambi able waqdi, toh keenik abe week, maca keenik aba?

Yacedkel 22:30

Abeh an bagcarrah baaxo baysaamak dumal, magaala edde cata'gidih maroh sugte gaso xisaah woo gasoy tiddigillehiyyah garil soola num gorrise'mmay weeh.

Yacedkel 24:11

Too waqdi nadaasa akak diyaytuh, bagul akak suge dicil akak carara'gidih, woo nacaasak bicsen buutiy addal tu sinni giral xik. Qassowwa 'yam fanah laqay inxic.

Hosiqa 5:15

Yi mari dambik abeenimil yoo qaddoowe'kal, keenil maaduura. Gadaamah addat yanin waqdi, yoo kassiteloonuuh yoo gorriselon» iyye.

Hosiqa 7:14

Afqadook yoo maqbudinnon. Dooqa aban waqdi, gitat tet maaban. Takkay immay daffa 'yeenih diini-maleela akah abta'nnah, waxxaq axcukuuy boogisak aban. ‹Baaxol daro kee qinab nee mawaysiisin› axcuk dooqa aban waqdi, diini-maleela akah abta'nnah, xagar isinnik qanxisan. Yoo cineeniih darre yot caben.

Hosiqa 7:7

Abeenih yanin bagcarrah isinni abbobti qideenih. Isinni malikwak numuuy way keenik qideeni'mmay, num keenik cato yol messerinna» iyye.

Malaaki 1:6

YALLAY Nabaamak Nabahiyya seekak iyyeemih, «Siinik axcem oobbeya. Baxi abba yassakaxxeeh; saq-duwayti akah taamita num yassakaxxeh. Hay, anu abba siinik kinniyok, macah yoo assakaxxe waytan? Sin Dagelti yoo kinni way macah yoo assakaxxe waytan? Seekay, yoo bursuttam siini. «Takkay immay isin, ‹Nanu koo elle bursunnam mannaay?› intan.

Malaaki 2:10

Malaaki iyyeemih, «Ni Abbay nee doorehiyya inki Dagelta akke maay waa? Nanu inkih inki abba linom neexegek, hay, innem tittal akah maknam macaay? Toh abna waqdi, Yalli ni kaxxa abbobti lih abe xagana makna.