Yasaqya 64:6 - NABUWWA KEE MALIKWA

⁶ Nakkeemik caraamuk yan mara nekke. Abba hayna meqe taama nek inkih, abicih tan saroh innah tan. Abnah nan dambik gexxaamah laqaymumma 'yeh kafe ayyuufay caacayat gexah gidek nan.

Yasaqya 64:6 ပူးပေါင်းရင်းမြစ်များ

2 Samuwel 22:46

Niya keenik raddeeh; elle yenen gasok, cunxitak yamaaten.

Yasaqya 1:28

Takkay immay YALLIH yab cina maray dambit asahiyya baysele. Kaa cabba hee mara selele.

Yasaqya 1:30

Laqaymuume coox kee lee sinni bustaan innah gacetton.

Yasaqya 43:22

YALLI kaadu iyyemii: «Israayil maraw, abtan kallaci kee dooqa, akah abtaanam yoo hinna; yoh isinni taqbisak masuginniton.

Yasaqya 46:12

«Yab ayti akak cule waah, cakki faxe waa maraw!

Yasaqya 48:1

YALLI iyyemii: «Yaqkuubuk radeeh Israayil deqsita marak Yuudah yooboke maraw, ankacisay yoo oobbeya. YALLIH migaaqal xiibittaanaah, ‹Israayil doore Dagelta yaqbude mara kinnino› intan. Takkay immay toh afak intaana'kkal baguuk intaanam hinna. Yaaminen mara hinniton.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Yasaqya 53:6

Gitak hoxe illih innal nen. Gitak honxeh, makot genxe; ninnih fanxem abak sugne. Nakkeemiik, tikka 'nah gidek nel amaatuk ten digaalah, YALLI ni aftok kaa digaale. Nanu edde asneh sugne dambi YALLI kay amo yeyyeeqe.

Yasaqya 6:5

Anu too waqdi exceemih, «Woyyow yi nabsow! YALLAY Nabaamak Nabaah malik kinnihiyya inni intih uble'mmay, edde yaabinnaan yab yok taahirik mayanay; addat akak anim, taahirik ane waa yab yaaba marih fanak tanih tanik, baati yot tekkeh tan» exce.

Yasaqya 8:17

YALLI isi marak is yooqoreh immay anu niyak kaa aamineeh; niya elle liyom kaa.

Daaniyel 9:13

Muusa baahe xintol warissa hayte digaalah nee digaalte. Takkay immay YALLAW, ni Dageltaw, nanu uxih nummâ gita katayakaay, edde sugne dambik uduurra 'neh, koo ruffa mahannino.

Hosiqa 7:7

Abeenih yanin bagcarrah isinni abbobti qideenih. Isinni malikwak numuuy way keenik qideeni'mmay, num keenik cato yol messerinna» iyye.

Zakariyya 3:3

Yoosuwa too waqdi wasak le sarat anuk, wokkel malaykattih foocal soolak yen.