Yasaqya 64:5 - NABUWWA KEE MALIKWA

⁵ Cakkik tan taamah ruffa luk taamita maray koo kasitak ku gita kataatak xiinahiyya oggoltah. Atu nee niqibuk sugteeh, nanu kaadu dambit bisoh gexak genxe. Dumî dabaanak xabba haanamaay akke fanah, ku naqbi yanim aaxagih, dambit asak sugnek, mannal waddinna?

Yasaqya 64:5 ပူးပေါင်းရင်းမြစ်များ

Yasaqya 1:30

Laqaymuume coox kee lee sinni bustaan innah gacetton.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 26:13

YALLAW, ni Goytaw, ni Dageltaw, ku cato geyak, naqbudem koo. Kok sah reedonwa ni-amol sugte.

Yasaqya 27:8

Ken tinqibeeh, baaxok teyyeeqe. Ayrô-mawqak silisse caacot, baaxok, YALLAW, ken tiskiliqeh.

Yasaqya 63:10

Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

Yasaqya 63:7

YALLIH kacanuy amurruqe waat walalu waa. YALLI neh abeemiy fayla kaa akah taguude warseyyo. Israayil ummattah kaxxa maqaane abe. Toh akah abem, isi racmatta kee amurruqe sinni kacanih sabbata.

Daaniyel 9:5

Nanu dambi le taamat asneh, mako lem bahne. Umam abneh nan. Koo cinneh, atu nek aba intem abnu cinneeh, gitak taniimiy atu nee tuybulleehiyya maaqilleh.

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Hosiqa 6:3

YALLA naaxagay. Kaa naaxige'gidih, digga innay. Tonnal, barak lakal maaci maacisam akah naaxige'nnah, YALLI nel amaatelem digga hayna. Dabayba kee sugum rade rob baaxo akah doogisa'nnah, YALLI rooci nek aqusbuusele» iyyan.

Zakariyya 3:3

Yoosuwa too waqdi wasak le sarat anuk, wokkel malaykattih foocal soolak yen.

Malaaki 3:6

Anu YALLA kinniyooh; inni cal makorisa. Isin kaadu Yaqkuubuk rade mara kinnitoonuuh; isinni cal makorisinniton» iyye.