Yasaqya 64:3 - NABUWWA KEE MALIKWA

³ Nanu cubak suge wayne taamay sahda akak cunxitta abte saaku lito. Too saaku nel obteeh; qaleeli koo yubleh, cunxoh axaxite.

Yasaqya 64:3 ပူးပေါင်းရင်းမြစ်များ

2 Samuwel 7:23

Israayil ummattay isi mara abta'gidih naqoosinnak teyyeeqehiyyah bis le doolat addunyâ-bagul matan. Atu keenih abte kaxxa taama ku migaq addunyâ-bagul fayya hayte. Ku maray duma Masril edde suge naqoosinnak teyyeeqehiyya, qeebil bisoh gutuqak elle yamaateenimil, ken taagah wokkel suge mara baaxok teyyeeqeeh, Yalla 'yeenih aqbuduk sugen duyye baaxok kalteh.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 64:1

YALLAW, qaran boohisseh nel macah oobe waytaah? Qaleeli koo yable way meysih axaxitele.

Cabakkuk 3:3

Ni Dagelti akak yamaatem, Edom kabuuy, Edom rasu. Ni Dagelti akak yamaatem, Faaran migaq le koomaami. Taahirik yan Dagelti kaa. Kay nabna qaranwa gufteh. Kay fayla baaxo timlikeh.

Cabakkuk 3:6

Kay soolol baaxo tangayye. Inkih tan ummat kee ayyunti, kay wagittol axaxita. Addigille wayta qale kay wagittot riira takke. Dumî-dabaanal, xer saaku, usuk edde gexe gital sugte koomaami sutta inteh.