Yasaqya 63:5 - NABUWWA KEE MALIKWA

⁵ Wagteh immay, ahamal yoo cata mari ane waam uble waqdi, yol hagga tekke. Tonna leemiik yi naqbi maqar yot heeh, inni gabat iisa innih orbise.

Yasaqya 63:5 ပူးပေါင်းရင်းမြစ်များ

Yasaqya 40:10

«YALLAY Mulki le yamaateh, baaxo isi caylat xiinisuh, mamaatat yan, yamaateh yan; isi galto luk yamaate. Isi-ummatay isih wade, gabat baahak, yamaateh yan.

Yasaqya 41:28

Yallah lon duyyey xeet kee cooxuk bicseenihiyya tuk teenat yabta'gidih ken wagteh immay tut yabtaamak masuginna. Ken essereemik yol gacseenim matan.

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Yasaqya 51:5

Xayuk keenih amaateyyooh ken wadeyyo. Inni gabat qadaalat keenih baaheyyo. Allî-baaxoh mari niya yol haak sugele; yi gaba qambaalat sugelon.

Yasaqya 51:9

YALLAW, ugutay ku qandet nee catey. Ku gabal nee catey. Dumî dabaanal akah abte innah ab. Racab deqsita kaxxa alay baddi addal geytimahiyya rike rikeh kurtem koo.

Yasaqya 52:10

Baadal tan ummatta inkih, YALLI isi gabay taahirik tanit abe taama isinni intit yubleenih; baadal enna 'ya mari, Yalli isi ummatta umaanek wadem aaxigele.

Yasaqya 63:3

«Amah, ummattat inkih qinab xayloh innah eeqete. Toh, innih dibuk abe'kkal, baadal tan ummattak inkih, num yo'lih maabinna. Enneeqebbe waqdi keenit eeqeteeh, ken qabal sara yok bayseh.

Yacedkel 22:30

Abeh an bagcarrah baaxo baysaamak dumal, magaala edde cata'gidih maroh sugte gaso xisaah woo gasoy tiddigillehiyyah garil soola num gorrise'mmay weeh.

Hosiqa 1:7

Yuudâ marah tu gactek, keenih xuwaaweyyo. Yoo YALLAY ken Dagelta kinni ken cateyyo. Ken elle catu waam, carbi abitto hinnaay, seef kee gaysê-baxa hinnaay, faaris kee faaris amot yan mara hinnay, inni qandet ken cateyyo» iyye.