Yasaqya 63:18 - NABUWWA KEE MALIKWA

¹⁸ Dago waktih gide ku mari ku aracay taahirik yani luk sugeeni'mmay, ni naqboytit awayih ibak too aracay koo elle yaqbudeenit yeeqeten.

Yasaqya 63:18 ပူးပေါင်းရင်းမြစ်များ

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Yasaqya 63:19

Mango waktih, atu amoyta akak suge wayte marih inna gacne. Ku migaaqal muggaaqise waan mara nekke.

Yasaqya 64:10

Ku magaalooliy taahirik tenehiyya Siyon agantah haanah raqte. Yarusalaam sahda elle deedalta abur tekke.

Yasaqya 64:9

YALLAW, kaxxam nee manqabinaay ni dambil faxe way nee makatayin. Nakkeemik ku ummatta kinninok, neh racmat.

Ermiyaas 12:10

Allî-baaxok yemeete reedon yi baaxoy qinab xala coox elle aabakuk sugehiyya bayseh. Yi baaxoy buqre elle aabakuk sugtehiyyak amot taqqa 'yeenih gexen. Yi baaxoy qax-muquk sugtehiyya, caxa elle aabuke wayta bakarroyta aben.

Daaniyel 8:13

Tohuk lakal malaykattuk teeni, aki malaykattuk, «Ahamay away wacyih tanihiyya annal magide fan sugelee?» axcih oobbe. Woo malaykatti kaadu essereemih, «Kulli ayrol Yallih Qibaadah-Qaril aban sadgatih aftok, a wacyih nuble umaane magide fan sugelee? Qaraanal tan qaskar kee Yallih Qibaadah-Qarit yaaqiteenim gaba kaltu waytam, maa saakuuy?» iyye.

Daaniyel 8:24

Ta malik kaxxa qande baahele'mmay, woo qande isih le qande hinna. Ta malik kaxxam gibdi baatil baaxoh addal uguuguseleeh; abba haam gabal kaak bicele. Qande le mara kee Yallih ummatta kaadu baysele.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.