Yasaqya 63:11 - NABUWWA KEE MALIKWA

¹¹ Too waqdi dumî-daban kassa heeh; Muusa kee isi mara kassa hee. YALLAY isi ummatta kee ken loyna badak cateh yenehiyya mankel yan? YALLAY isi Roocaaniyya ken gudel heeh yenehiyya mankel yan?

Yasaqya 63:11 ပူးပေါင်းရင်းမြစ်များ

Nacmiya 9:20

Litoh tan maqaaneh, abeh meqem keenih warisse. Yakmoonuh manna deqsitta maaqo qaraanak keenih oobisse. Yaaquboonuh lee keenih tecee.

Yasaqya 43:16

Dumî dabaanal YALLI badak gudek gita bicse; haffita badak gita siinih yeyyeeqe.

Yasaqya 63:10

Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

Yasaqya 63:15

YALLAW, qaraanay taahiriino kee nabna luk elle tanihiyyak, nee fan wagit. YALLAW, nee waduh luk ten fayxi manke kok gexxe? Nee catuh luk ten qande maca tekke? Neh luk ten kacanu kee xuwaw maca yekke? Nee mamaaqilin.

Ermiyaas 2:6

‹Masrik addak nee eyyeqqa heeh goloola kee bacarih tan baaxoy num sinniih lac sinniih gibdaabina leeh bakarroytah tanihiyyak addak isih foocat nek gacca 'yeh nee baahe Dagelti maca abeh?› maxacinnon. Yoo hawweeneeniih caagid yot mallinnon.

Daaniyel 4:8

Ellecabol Daaniyeliy anu migaaqah Beltasaxxar akak excehiyya yol xayyoowe. Too migaq akak geem, anu liyo yalla. *Kudduusuk tan yallitteh roocaaniyya kay xagarat tan. «Anu kaak exceemih,

Hosiqa 12:13

YALLI, Israayil mara Masril edde sugen naqoosannuk yayyaaqe'gidiiy ken amo dacrisa'gidih nabi keenih ruube.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

Caggay 2:5

Masrik tewqen saaku sin lih an 'yaanam siinik exceh sugeeh; tokkeey akke sin lih anik mameysitina. Toh siinik intam yooy YALLAY Nabaamak Nabahiyya› keenik inxic» iyye.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Makaabon 6:13

Too waqdi Gidqoon YALLIH malaykattuk iyyeemih, «YALLI ne'lih yenek, annah tanim net akah takkem maca kot celta, yi amoytaw?» kaak iyye. «Ni kaxxa abbobti neh warisseh sugte qagabah taniimiy YALLI abeh iyyeenihiyya kee, Masrik ken elle yeyyeeqe'nnay neh warseenihiyya maca tekke? YALLI maqal net aalle cineeh; Miidiyan marih xukkot yan mara nee abe» iyye.