Yasaqya 63:10 - NABUWWA KEE MALIKWA

¹⁰ Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

Yasaqya 63:10 ပူးပေါင်းရင်းမြစ်များ

2 Aydaad 12:2

Malikih koona sanat suggu 'yek sarra, kaa kee kay mara YALLAL aamine weenimih sabbatah, YALLI ken digaaleh. Sisak deqsita numuy Masrik malikih yenehiyya alfi kee namma boolih faras-gaariy carbi edde abaanahiyya kee, lactam alfih qaskariitay faras amook qeebi abahiyya kee, Liibiya kee Sukutti kee Kuus rasuk baahe qaskaray loowo sinnihiyya luk amma 'yeh Yarusalaam magaalat qeebi abe.

Nacmiya 9:26

«Tohuh, ku mari ku yab cineeh, koo cineh. Atu aba keenik inteemit darre caben. ‹Aham maabina, meqem hinnak› keenik inte nabuwwa qideenih. Too nabuwwa toh keenik akah intem, oson kol yaduureeni'gidi. Koo ceele sinni migaq koh aben.

Nacmiya 9:29

Atu aba intam abe weenik, keenit takku waytaamih garci keenih kalteh. Ku xinto kataata mari isinni rooci wadele'mmay, too mari, ku xintok sah giti ane waam aabbih, kaxxiinitak ku xinto cineenih, keenih warisah darre kot caben.

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Yasaqya 63:11

Too waqdi dumî-daban kassa heeh; Muusa kee isi mara kassa hee. YALLAY isi ummatta kee ken loyna badak cateh yenehiyya mankel yan? YALLAY isi Roocaaniyya ken gudel heeh yenehiyya mankel yan?

Yasaqya 65:2

Umaanek aduure cinaah uma-taamak aduure waah uma-gitat gexa maray deedal kee dirab kataatah, inkih tan ayroy dudda le ‹Yol ama› axcuk namma gaba keenih fidseh ‹Yol ama› exce.

Ermiyaas 21:5

Qeebi anu innih siinit abeyyooh; yi naqabu kee yi cayli le'nna isinnih abletton. Yi gaba le tamu abletton.

Ermiyaas 30:14

Naqboytat aban atka siinit abe; siinit tekke digaala, gibdi digaala. Toh siinik akah abem, dambi siinik manguk sugeeh; edde sugteenim kaxxa umaane kinniimih sabbata. Tonna leemiik qalla-sin-lih-luk-suge-mari sin hawweenih; siinit waanam malon.

Ermiyaas 32:30

Israayil kee Yuudâ-marih abto, yoo ruffu hayte saaku mali. Ken taama fiiruk geerah bagi-cararow yol tekkeh tan. Tahat yabtam yoo YALLA.

Yacedkel 16:43

Qunxuk ten saaku koo elle abbaxuk suge inna hawwenteh. Abteh tan uma taamak gexxaamah, naqbi yot hee. Tonna-leemiik abba hayte umaaneh akah diggalsinta innah kok abe. Abba hayte uma-taama koo maxiqinnay, wadir dalwa edde osisse. Tahat yabtam yoo YALLAY Mulki lehiyya» iyye.

Yacedkel 2:3

«Bani-adantow, Israayil mari yab yok cineeh; naqboytit yok yekkeenih yanin. Oson akak raden ken kaxxa abbobtik kaxxih, yi yab moggolaanaay; away ken fanah koo ruubah an.

Yacedkel 2:7

Yab yaabbe mara hinnoonu'mmay, kok cinee kee oggole yakkoonay inxicaay, anu waris axcem keenih waris.

Yacedkel 20:13

Keenih tu gactek, bacarih tan baaxol sugen saaku kinni-way, anu aba keenik axcem cinak sugen. Yi amri kee yi xintoy duuduse marah waar teceehiyya cinak sugen. Sabti ayro xaguraanam inkinnah cineenih sugen. Tonna-leemiik too saaku yi naqbi le'nna ken aybulleem faxxa heeh, too bacarih tan baaxol elle ken baysam faxeh suge.

Yacedkel 20:21

«Takkay immay ken xaylo kaadu yi yab cinaanam bahte. Yi amri kee yi xintoy duuduse numuh waar teceehiyya cineenih. Sabti ayro nadaasa aben. Too saaku kaadu woo bacarih tan baaxol inni naqabu keenil oobiseh ken baysam faxe.

Yacedkel 20:8

Takkay immay yi yaabat carra mahannoonuuy; anu excem mankacisinnon. Qiday caba keenik exce gabat bicsen duyyey yaqbudeenihiyya macabinnon. Woo Masri marak kaxxih gabat bicsen duyye aqbuduk raaqeeniih, caba keenik exceemih macabinnon. Tonna-leemiik Masri elle yanin saakuuk yi naqbi le'nna ken aybulleem faxxa hee.

Yacedkel 6:9

Seewah ken been baaxol anelon. Too saaku yoo kassa heelon. Too waqdi ken akah digaaleeh qaybik ken akah qidem, ken kalbiy gano lehiyya ubleeh, yoo cabba heenih xeet kee coox yaqbudeenim keenik ubleemih sabbat kinnim aaxigelon. Isinnih aben umaane kee, qaybik taniimiy edde sugeenihiyyak gexxaamah, isinni nabsi anqibelon.

Yoosuwa 22:15

Too mari Ruuben kee Gaad kee ayrô-mawqa le kabut raqta Manasseh yooboke maray Gilqad rasul yanihiyya fan yemeeteeniih;