Yasaqya 62:9 - NABUWWA KEE MALIKWA

⁹ Takkay immay siiniy a daro qiddaay orbissa heehiyya tet gaqambo akmeleeh, YALLA faylisele. Qinabak bicsen kamri taaqabu waytam, siiniy qinab caxah amo wagitak sugeeh tet xaylo gaaboysehiyya. Elle taaqaboonu waytaanam, yi qariy taahirik yanihiyyah daarata» 'yaanamal xagna siinih cule.

Yasaqya 62:9 ပူးပေါင်းရင်းမြစ်များ

Yasaqya 55:2

Sin cayise waytaamat lakqo macah finqissan? Satqat akak raqtoonu waytaanamat geytan duyye mabaysina. Yi yab oobbeyaay anu siinik axcem aba; tonnal kulliimik tayse maaqoy niya siinik ruffu edde inta geetton.

Yasaqya 65:13

YALLAY Mulki le tah yubleeh too way tannah siinik iyya. «Yi naqoosa maqululta; faxeenim maaqok akmelon; siinih gactek qululetton. Yi naqoosay yoh taamitta leê-waytih mabakaaritta; siinih gactek bakaaretton. Yoh taamitta yi naqoosa ruffa axcele, tassa axcele; siinih gactek gamoometton; wacarriyih gamoometton.

Yasaqya 65:21

Meqe qarwa xissitelon; dabaaqah elle gacelon. Qinab coox aysubukelon; xaylo akak attakammelon.

Yasaqya 65:22

Oson isinnih xisen qarwa sinam im keenik matakka. Isinnih yubquren darooy yuysubuken caxah xaylo sinam im keenik matakka. Sinam nagri keenik mahaa. Qumri keenik caxah innah, waareleeh keenik sugele. Anu faxeeh doore mari, edde taamitak suggu 'yem akmelon; adoobitelon; edde ruffa axcuk sugelon.

Ermiyaas 31:5

Ahak sarra Samaariyah qaleelal qinab coox aysubukettoonuuh; too coox yuysubuke mari too cooxih xaylo akmele.

Yacedkel 40:14

Culmak ellecabot raaqa arac daarat fanah beyak yen. Too arac kaadu yimittire waqdi baguh tabna mitri yekke.

Ayyuqel 2:26

Ahaysa maaqoh takmeenim mawaytaanaay cayyetton. YALLAY sin Dagelta kinnihiyyay a axxul le maqaane siinih abe faylisetton. Yi mari ahaysa bursuten mara mayakka.

Zakariyya 3:7

Iyyeemihii, «Yoosuwaw! YALLI, ‹Yi xintol tanim abteeh, kol eceeh an taama duudussu haytek, yi qari kee yi qarih daaratak abba koo abeyyooh; a yi garil tan malayka yol elle xayyowta'nnal, atu kaadu yol xayyowta'gidih idni koh aceeyyo.