Yasaqya 62:8 - NABUWWA KEE MALIKWA

⁸ YALLI kaxxa xagana cule; woo xagna isi qandet duudusele. Iyyeemih: «Ahak wadir isin tubquren daro naqboytit-gadda siinik matakka. Allî-baaxoh-mari sin kamriy qinabak bicisseeni mayaaquba.

Yasaqya 62:8 ပူးပေါင်းရင်းမြစ်များ

Yasaqya 1:7

Elle sugtan baaxo siinik baateeh, magaalooli siinik cararteh. Isin abalih, marin mari tubqureenim baysaah, baaxo siinik abur aban.

Yasaqya 45:23

Anu abeyyo axcuk, culeemik kora Dagelta hinniyo. Akkele excem takkeeh, abeyyo excem abah: ‹Kulli num yi foocal gommoh yoh radeleeh, Kok sa tu manaqbuda 'yaanam axcuk qahdi culelon› inni migaaqal akah xiibitem, duuduse'kkal wadir maxca.

Yasaqya 54:9

YALLI kaadu kok iyyaamah, «Anu Nuuc dabaanal ‹Tahak wadiril baaxo weeqat mabaysa› 'yaanam axcuk xagana culeh suge. Away kaadu ahak wadir kot mabagcarritaay koo masahita» 'yaanam axcuk xagana koh cula.

Yasaqya 55:2

Sin cayise waytaamat lakqo macah finqissan? Satqat akak raqtoonu waytaanamat geytan duyye mabaysina. Yi yab oobbeyaay anu siinik axcem aba; tonnal kulliimik tayse maaqoy niya siinik ruffu edde inta geetton.

Yasaqya 59:16

Tohuk ken cata num ane waam yuble waqdi, kaal faxe-waynaan tekke. Tonna leemiik isi-qadaalatay maqar let, YALLI isi gabat ken wade.

Ermiyaas 31:5

Ahak sarra Samaariyah qaleelal qinab coox aysubukettoonuuh; too coox yuysubuke mari too cooxih xaylo akmele.

Ermiyaas 5:17

Buqrek orbissen daro kee buxal liton maaqo sella siinik heelon. Xaylo siinik qidelon. Illi kee wadar kee laa siinik qidelon. Qinab xaylo xala coox kee sublâ-coox siinik argiggiqelon. Kaxxam amo elle meqiton magaalooliy gaso maroh edde tani silaacat bayselon» 'yaanam siinik iyya.

Yacedkel 20:5

Keenik intaamah: YALLAY Mulki lehiyya siinik iyyaamah, Anu Israayil mara doore saaku, qahdi keenih cule. Masri rasul inni ken uybulle. Keenik exceemih: ‹Yaqkuubuk rade maraw, anu YALLAY sin Dagelta kinniyo› keenik exce.

Qaamus 9:14

Israayiliy yi ummat kinnihiyya le baaxoh gacseyyo. Tiddigille magaalooliy abur tekke wadir xiseloonuuh; addal dabaaqah akak gacelon. Qinab aysubukeloonuuh, qinabak bicsen kamri attaaqabbelon. Mango coox aysubukeloonuh xaylo akak akmelon.