Yasaqya 62:4 - NABUWWA KEE MALIKWA

⁴ Ahak wadir maaqilen magaala kok m'iyyan; ku rasuk abuuruh raaqe rasu 'yaanam m'iyyan. Ku migaq «Yalli ruffu akak iyya magaala» deqsitele; ku rasih migaq «Meqe rihimih rihimte barra» deqsitele. Macaay intek, YALLI isih baqli bis koh aallele.

Yasaqya 62:4 ပူးပေါင်းရင်းမြစ်များ

Yasaqya 49:14

Yarusalaam mari iyyemii, «YALLI nee maaqileeh, nee hawweeneh» 'yaanam iyyen.

Yasaqya 54:1

Maxalaytoh tan barray, qililisay wallit. Ahak wadir baqala le barra xalta xaylok fuli, dibuk ten barra xaylo luk sugeleemih sabbatah, atu way dabbaqaane wayte barray, anay fayya haay qililis!

Yasaqya 60:15

Koo maaqileenih koo yinqibeenih sugeenih, dibuukuyitteh abur tekkeh sugte'mmay, kaxxa magaalay qaxmeqe koo abeyyo. Kulli way farci elle yan magaala koo abeyyo.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Yasaqya 62:2

Yarusalaamey, baadal tan ummatta cakkik-tan-maqaane koo geyah ablelon; malikwa ku nabna ablele. YALLI qusba migaq koh ayyaaqeleeh; too migaaqal koo aaxigelon.

Yasaqya 62:5

Furrayni baxuwwa isim elle aba'nnal, Yallay koo xise koo isim abele. Qarus qibnah yassalleh gide, ku Dagelti koh assaallele.

Yasaqya 65:19

Yarsalaam akcine liyo; inni marat ruffa axceyyo. Tahaysa weeqi mayakka; tet addal booge matakka; matantabbaay num mayabba.

Ermiyaas 3:14

Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Ermiyaas 32:41

Keenih aba maqaane ruffu yoo heele. A rasuk way akah aarre waan innah, nagay yan daabisiyya keenit abeyyo. Tahamaay, keenih liyoh an xuwaawah abu waama.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Yacedkel 36:35

Tah yabalu waa mari, ‹A baaxoy bacari tekkeh sugtehiyya a saaku Qadan bustaan celteh tan. A magaalooliy buubba heenih bututtukku heenih abur abeenih cabeenihiyya, a saaku ummat elle gacteh taniih gasoosa maroh leh tan› axcelon.

Hosiqa 2:21

«Yi mari yot aban kallaci keenik oggoleyyo. Rob keenih baaheyyo. Baaxol daro kee qinab xaylo kee *daytuun keenih aysubukeyyo. Yidraqel-Daqarih xaqul daro kee coox aysubukeyyo.

Xafanya 3:17

YALLAY ku Dagelta kinni ko'lih yaniih, koo waklisa. Yallih cayla nasri geetton. YALLI sin assakootele. YALLI siinih le kacanuh, qusba manoh xiine liton. Ummat qiidit tassa elle intaah, wallitak ruffa elle inta'nnal, YALLI siinih le kacanuh, qililisak, tassa axcele. YALLI siinik iyyaamahaa: «Aysa baati sin mageyta; ahaysa qaybik maraddan.

Malaaki 3:12

Toh yabalu waa maray kulli baaxol yanihiyya, ‹A mari ruffa ye mara, oson elle yanin baaxo meqe baaxoy dabaaqah elle gaceh meqe› 'yaanam axcelon. Tah intam yoo YALLAY Nabaamak Nabahiyya» 'yaanam iyye.