Yasaqya 61:2 - NABUWWA KEE MALIKWA

² YALLI, isi mara edde wadu waa wakti kee, isi naqboytit edde digaalu waa ayro temeetem warsa'gidih, yoo ruube. Rookat yan mara aytikumusa'gidiiy

Yasaqya 61:2 ပူးပေါင်းရင်းမြစ်များ

Yasaqya 1:24

Tonna'mmay YALLAY Nabaamak Nabahiyya, Israayil doore Dageltay Mulki le kinni. Kaay Goytah yani iyyam leh, «Yi naqboytiitey, ahaysa cane siinil gacseyyooh; tahak wadir taqabi yol matakkan.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Yasaqya 2:12

Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.

Yasaqya 34:2

YALLI kulli baaxoh doolata'lih qeebih yan. Kay bagcarra yakkeenimiik keenil oobeleeh, ken bayselem keenil yuckumeh yan; ken marih-qidimih bical yan.

Yasaqya 34:8

Macaay inteenik, YALLI cane edde gacisu waa ayro tan; too saaku YALLI Siyoonuk naqboytiitih suge maral ken taama keenil gacsele.

Yasaqya 35:4

Meysita marak, «Sin Dagelti yanik, mameysitinay ayti kibba haa» inxica. «Yalli sin wada'gidih, sin qaxat gaceleeh, umam siinil baahe mara digaalele» keenik inxica.

Yasaqya 40:1

Sin Dagelti qangara yaabe: «Yi ummatat niya hayisa; aytikuma keenik 'xica.

Yasaqya 49:8

YALLI iyyamaa, «Innih faxe waktit koo oggoleyyo. Edde cateh meqe waktit kaadu koo cateyyo. Koo dacriseyyooh, amo kok wagteyyooh, ummat lih qahdi ku kabuuk heeyyo. A saaku abuuruk yan rasul ahak sarra sinam nookisetto.

Yasaqya 51:12

YALLI iyyemii, «Niya siinit haytam yoo kinni way, sahdaytuy rabah yoobokeeh qaysok maqarah ayse waahiyyak macah meysittan?

Yasaqya 57:18

Ken taama ableh immay, innih ken uruseyyo. Innih ken miraaciseyyooh ken cateyyo. Rookat yan marat niya heeyyooh, yok iyyaanam ken afat heeyyo. Xer ikke kee xayi ikkel yan marah inkih, kaxxa amaan aceeyyo. Inni mara innih uruseyyo» 'yaanam iyya YALLI.

Yasaqya 58:5

Soomtan waqdi, isinni biyaktaanah amo bayreh innah addah qunuunussu haytaanaah; sartanah *qabuudu xagarat haytaanah gombod baaxol caxxa hayteenih deerih elle gactan. Soomuh litoonum tahaa? Anu a soom siinik assakootem maay takkalen?› keenik axce.

Yasaqya 60:10

Qagisak teetik iyyaamah: «Koo inqibeeh koo digaaleh suge'mmay, koh liyoh an kacanu kee inni racmatta koo aybulleemih sabbatah, allak yemeete mari ku gasoosa xisele; ken malikwa ku taamat gacele.

Yasaqya 66:14

Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Ermiyaas 31:13

Baxuw saxxaqah digreleeh wallitele. Furrayna kee idoolah agantah africelon. YALLI iyyemii, «Anu ruffu ken heeyyooh, edde sugen rooka farcatah keenik gacissa heeyyooh; edde sugen cisab kee gadaamak farcat kee assamaq geelon.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Miika 3:8

Nabi Miika iyyeemih, «Yoh tu gactek, YALLI isi Roocaaniyya dudda luk yol oobiseeh, isi qande yot hee. Qadaalatah tanim yoo yuybulleeh, Israayil mari aba dambit inti qasuk keenih edde warisa dudda yoh yecee.