Yasaqya 61:10 - NABUWWA KEE MALIKWA

¹⁰ Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Yasaqya 61:10 ပူးပေါင်းရင်းမြစ်များ

2 Aydaad 6:41

Dageltah yan YALLAW, qibaadah xisen qari fan amey, tokkel dabqih gaceey! Ku qahdi addat le sanduguy ku qandeh asta yascasse, tokkel dabqih gaceey! Dageltah yan YALLAW, ku seekah yan mari, sartan innah, cakkit gacoonay. Imaan kol le mari ku maqaanet ruffu inxicay.

Nacmiya 8:10

«Ahaysa isinni buxa gexaay, meqe maaqo akumaay salfa le maqab aqubaay, qiidih asa. Liton maaqo kee maqab tu aalle waa marah acuya. A saaki ni Goytah garil taahirik tan ayrok markitina. Sin cayli, YALLI siinih yecee rufto» keenik iyyen.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 17:10

Toh macah sabbatah akkeleemih inteenik, Yallay, kaxxa qale akah eleelitan innah aleelo siinih yakkeeh sin wadahiyya, hawwenteenih. Kaa cabba hayteenih, taahirik yan cooxu axcuk, isinni gabak coox tuysubukeenih, marin baaxok baahen coox tuysubuken.

Yasaqya 25:1

YALLAW, yi Goyta kinnito. Litom muxxo le diggah ten. Dumaak elle malisse'nnal, ku diggay dudda lehiyyat, akke-waynuh tanim abte. Toh abaluk koo aynabeyyo; fayla kaadu koh abeyyo.

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 41:16

Qaraanal siisah innah ken fikiikisetton; silayti qaraanal ken beele. Caaco baaxol ken fuluulukusele. Toh tabloonu waytan waqdi, YALLAT ruffa axcetton. Israayil doore Dageltay *Kudduusuk yanihiyya assakootetton. Tahat yabtam yoo YALLA» 'yaanam iyye.

Yasaqya 48:18

Yi amri oggoltaanamal, weeqayti gurral amaan siinil oobak yeneeh; yi foocal cakkik yan mara akkuk teneenih, too cakki kaadu, baddi-afal tamuttuke haffoh innal, qande siinih acayuk yen.

Yasaqya 49:18

Dariifa isinnik wagga haay takkem ubulay! Xaylo siinik elle sugte baaxok taduurem matablaana? Inni migaaqay waarahiyyal xiibitaah, sin xaylo bilqa siinih akkeleeh, qaxah bilqitte qibnah innah gacetton.

Yasaqya 49:4

Anu yaabeh, annah exce, «Taamiteh immay, yi taama, foyya tekkeeh, boolatteh tan. Dudda haam akah taqbe'mmay, bicsem mayyu; duudem mayyu. Yot tekkeemih yi Dagelti yoh hawselem kaak aaxigeh. Anu edde aseeh abe taamal, kay galto geeyyom digga le. YALLA akah aaminem tohu.

Yasaqya 51:11

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yasaqya 56:7

Siyon qaley taahirik tanihiyya fan sin baaheyyooh, yi migaaqal abtan sadgat siinik oggoleyyo. Dooqa yoo fan elle aban qarih addal ruffa axcetton. Tonna-leemiik, yi qari baadal tan ummat inkih dooqa elle abta qari deqsitele» 'yaanam keenik iyyah yan.

Yasaqya 58:14

Toh abteenik, yooy YALLA kinnihiyyat rufto geetton. Baadal bohoy sinni mara sin abeyyo. Sin kaxxa abba Yaqkuubuh xagana akah culem inkih siinih aceeyyo. Tah siinik intam yoo YALLA» 'yaanam iyye.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Yasaqya 65:18

Toh aaxaguk ruffa 'xica; daayiman isin kulli way tassa 'xicay qililisa. *Yarsalaam kaadu xiseyyo; farcat le magaala akkele. Tet maray tet addal yani africuk africiseyyo.

Ermiyaas 2:32

Sugay, qibna fillí-bila hawwentaa? Qad-qari-qibna teetih baahen bila cabba hayteh qad-qari orobtaa? Moorobtam kulli num yaaxige tiya. Yi maraw, isin hay loowo akak igmon ayroorah gide yoo hawwenten.

Yacedkel 42:14

«Seeka tama qarik afah tawqe waqdi, Yallih taama edde abak sugen saray xagaral loonuhiyya eyyeqqa heenih, ta'kkel cabba heenik lakal, yawqen. Woh akah abaanam, a arac taahirik yan arac tekkek sah aban. Wohuk raqqa 'ye marih arooca gexan waqdi, isinni sarat gaceenih gexan» iyye.

Cabakkuk 3:18

taham inkih net takke way, YALLI yoo catam aaxaguk, ruffu axceeh, kaxxam tassa axce. Yi Dagelta assakooteyyo.

Zakariyya 10:7

Israayil mari carbil celeema akkele. Qinabak bicsen kamri yooqobe marih innah farcaanak gacelon. Keenik rade mari taham kassiteleeh; too waqdi YALLI ken kaxxa abbobtih xiqem kassitak ruffu axcelon.

Zakariyya 3:5

Too waqdi «Away kaadu amot qumaamat kaah hoonay» exce. Too malayka qumaamat amot kaah hayte. Sarrak sekti sarat kaa heen. Tohuk gaba kalaanam fanah YALLIH malaykatti solla 'yeh wagitak suge.

1 Samuwel 2:1

Canna YALLA faylisak inteemih, «Anu rufto akak liyom YALLA. YALLI yoh abe maqaanek gexxaamah qande baaheh, yoo niqibuk suge maral usuuleh. YALLI yoh abe maqaaneh kaxxam ruffu axce.