Yasaqya 60:9 - NABUWWA KEE MALIKWA

⁹ Aham xer baaxok yamaate maraakibi; a maraakib, yi xaylo edde tan maraakibi. Israayil doore Dageltay *kudduusuk yanih migaaqih nabnah baahen dahab kee lakqo a maraakibih addat tan. Tah akah abaanam, yoo ku Dagelti nabna kot heemih sabbata. Macaay intek, allî-baaxoh mari yoo qambaalita» 'yaanam YALLI Yarusalaamak iyyah yan.

Yasaqya 60:9 ပူးပေါင်းရင်းမြစ်များ

1 Malikwa 10:1

Saba deqsitta baaxoh maliká, Suleeman le migaq-gexxo toobbe waqdi, kinni num kaak tabaluuy, gibdi esseroorak mangom kaa essertuh, kaa fan gexxe.

1 Malikwa 10:22

Badal gexa maraakibik butta luk yen. Kay maraakib Curam maraakib lih gexak yen. Too maraakibit yan mari sidooca sanatal inki adda dahab kee lakqooy dakni-qaag kee wagaqwa kee qaxa le kaxxa kimbir eerra heenih baahak yenen.

1 Malikwa 22:48

Malik-Yacoosafat kaxxa badal gexa maraakib Oofir rasul dahab goranah gexa'gidih bicse. Takkay immay woo maraakib wokkel elle, Qexyon-Gabar deqsita aracal finqiteeh gexak maraaqinna.

1 Malikwa 8:41

«Israayilih aabuke waamah faxe numuuy takkay, ku nabna kee ku qande kee cayla yaabbu waa waqdi kee, ku abini le innak xaagu geyu waa waqdi, a Qibaadah-Qaril dooqa aba'gidih xer baaxok yemeete kaa tekkek,

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 2:16

Kaxxa nabna kee qaxa le maraakib finqisele.

Yasaqya 24:15

Tonna leemiik ayrô-mawqa le kabul yan marak, isin YALLIH nabnat yaaba. Baddi-xaqul yan marak, YALLIH migaq essekexxeya. YALLAY Israayil doore Dagelta kinnihiyya essekexxeya.

Yasaqya 42:10

YALLA qusba faylah faylisa! Baadal yan maraw, fayla abaay YALLA saarisa. Badal safarat yan maraw, kaa saarisak candu kaah gacisa. Badak addal enna 'taamay rooci lehiyya candu YALLAH gacissay. Xer baaxo kee xer baaxoh maraw, YALLA faylisa.

Yasaqya 42:4

«Inkih yan baadal qadaalat nookisaah daabisam fanah, kay niya mataddigila; way madaacta, mabaxaqta. Allahî-mari kinni-way, kay afak tawqe baritto geyoonu qambaalitelon» iyye.

Yasaqya 43:4

Yi garil muxxo leeh kunnabna le mara kinnitoonuuh, sin kiciyyo. Tohuk gexxaamah sin aftok sinam aceeyyo; sin roocih gidyatah mango baaxoh ummatta aceeyyo» siinik iyyah yan.

Yasaqya 43:6

Kiblat le kabu marak, ‹Ken maxaginay gexoonay ken inxica› axceyyo. Gabbi-qaxat raaqa marak, ‹Gexe ken makalina› axceyyo. Inni xaylo xer-baaxoy elle yaniinik gacseyyo.

Yasaqya 46:13

Anu akah exce innah, cakki edde geytimu waa ayro xayih. Yi wadu baahu waa ayro xayih. Yarusalaam edde wadu waa ayro xayih. Israayil ummatah yi qax-maqaane aceeyyo» iyyah yan.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Yasaqya 49:22

YALLAY Mulki le isi marak iyyamaa, «Doolatwa fan gaba caseyyo. Elle yaaxigeeni'gidih, inni qalaamat ken aybulleeyyo. Sin xaylo sin baaxo fanah gacseloonuuh; lab-xaylo siinik aliilit baahelon; say-xaylo kaadu sunkut baahelon.

Yasaqya 51:5

Xayuk keenih amaateyyooh ken wadeyyo. Inni gabat qadaalat keenih baaheyyo. Allî-baaxoh mari niya yol haak sugele; yi gaba qambaalat sugelon.

Yasaqya 55:5

Wagitey! Israayil doore Dageltay kudduusuk yanihiyya migaq kee nabna kum abeemih sabbatah, koo aaxaguk suge wee marah koo fan edde yamaateeni'gidih amri ruubettooh; too mari koo fan arduk amaatele. Tamah abtu waytam, yoo YALLAY ku Dagelta kinnihiyya» iyye.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Yasaqya 60:4

YALLI iyyaamah: «Deraafi isik wagga haay takkem ubul! Yakkeenimik gaaboowaanah koh fan yamaateenim matabla? Say-xaylo kok aliilit xabba heenih beeloonuh; kok lab-xaylo xeri'kkek amaatele.

Yasaqya 60:6

Kulli kaalibik koo fan amaatelon. Miidiyan kee Qeefa rasuk mango soosá luk kol amaateloonuuh, kok deraafit raqta baaxol too soosák amaggeleeh; Sabâ-garik dahab kee qaydarus gaalal quukah le mari amaatele. Too mari, anu abe kaxxa taamat yaabak, yoo fayliselon.

Yasaqya 66:12

Macaay inteenik, YALLI iyyaamah, «Ambaxe sinni amaanah Siyoonut xiiniseyyooh; doolatwa elli hayta gaddaliino, kafe sinni weeqaytih innah, teetil caxitele. Isin, ina gurumbal qarissa baxay kacni intit tablehiyyah bis alletton.

Ermiyaas 3:17

Too saaku Yarusalaam magaalak bagulleytah, YALLIH mulkiinoh korsi, 'yaanam axcelon. Kulli baaxoh mari too saaku yoo yaqbude'gidih amaatele. Tohuk wadir ken afqadoy yabti cina kee umaane lehiyya aba keenik intaamih abittot magacan.

Ermiyaas 30:19

Wokkel yan mari Yallah candu gacseleeh farcih qililiselon. Anu keenit hayu waa barkatah andarrelon; yi barkatah sahda tassakaxxe mara akkelon.

Yacedkel 39:7

Yi migaaqay taahirik yani Israayil ummatay yi ummatah tanihiyyah addal akah yamixxige'nnah abeyyo. Tahak wadir ceele-waa migaq yoh abaanam maqansiisa. Tohuk wadir gersi baaxol yan mari inkih, anu Israayil rasul taahirik yan Dagelta kinniyom yok aaxigelon.

Miika 4:13

YALLI iyyeemih, «Yarusalaam maraw, gexay isinni naqboytit ibah iqita. Gayse birtak akak bicseenih, xukcuno nacaasak akak bicsen awurih innah qandeh sin heeyyo. Mango baaxoh marak qeebil aysetton. Oson umam abittot geen gaddaliino yoo fan baahelon. Anu YALLAAY; inkih yan baadal yan Goyta kinniyo» 'yaanam iyye.

Miika 7:12

Sin mari elle suggu 'ye ikkek isi baaxo aduurele. Assuuriyah rasul yan mari isi baaxo fan aduurele. Masril tan ummat sin fan aduurele. Furaat weeqaytih qaxal yan mari sin fan aduurele. Xer ikkel yan badih qaxal yan mara kee, xer ikkel tan qaleelal yan mari inkih siinil aduurele.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Zakariyya 14:14

Yuudâ mari, Yarusalaam marat qeebi aba marat qeebi abelon. Keenik dariifal tan ummat luk sugga 'te duyye keenik buubeloonuuh; mango dahab kee lakqo kee sartan keenik beelon.

Yoosuwa 9:9

Oson too waqdi kaak iyyeenimii, «Nanu YALLAY sin Dagelta kinnihiyyah xaagu noobbeh xer ikkek nemeete. YALLI Masril abba heem inkih noobbeh.